November 9, 2019

دانتوں کو چمکانے کے لئےچند قدرتی طریقے

جدت ویب ڈیسک ::دانتوں کو چمکانے کے لئے لوگ ہزاروں روے ڈینٹسٹ کو دے کر دانت صاف کرواتے ہیں تاہم چند قدرتی طریقوں سے آپ اپنے دانتوں کو سفید کر سکتے ہیں
دانتوں کا پیلاہٹ پن دور کرنے کی تراکیب::
پاپ کورن کے سخت کونے دانتوں پر سے بیکٹیریا کو ہٹانے میں مددگار ثابت ہوتے ہیں رات کو سونے سے پہلے اگر ٹوتھ برش نہ کع سکیں تو آخری غذا کے طور پر پاپ کارن کھالیں اس سے دانتوں میں موجود بیکٹیریا ختم ہو سکتے ہیں
ایک چمچ ناریل کے تیل سے دانتوں کو دھو لیں پندرہ منٹ تک ناریل کا تیل دانتوں پر لگا رہنے دیں تاکہ دانتوں میں موجود بیکٹیریا ختم ہو جائیں اور دانت صاف اور سفید ہو جائیں
دودھ میں موجد کیلشیم دانتوں کے لیے انتہائی مفید ہے اور دانتوں کو مضبوط کرتا ہے دودھ کے ساتھ لیموں بھی دانتوں کو چمکانے کے لئے مددگار ثابت ہوتا ہے۔۔۔بیکنگ سوڈا ٹوتھ پیسٹ کا حصہ ہوتا ہے ایک چوتھائی چائے کا چمچ بیکنگ سوڈا پانی میں ملا کر ٹوتھ پیسٹ کی مدد سے اپنے دانتوں پر لگائیں یہ عمل روازنہ باقاعدگی سے کریں کچھ عرصہ بعد دانت چمکنے لگیں گے
اسٹرابریز میں شامل مالیس ایسڈ قدرتی طور پر دانتوں کی صفائی بحال کرنے میں مدد فراہم کرتا ہے ایک عدد اسٹرابیری پر نمک اور تھوڑا سا بیکنگ سوڈا لگا کر دانتوں پر ملنے سے دانتوں کا پیلاہٹ پن دور ہوجاتا ہے دانت سفید ہونا شروع ہو جاتے ہیں

November 9, 2019

خطرناک بیماریاں ختم کریں۔ رونا کچھ بیماریوں کے حوالے سے نہایت مفید ہے

جدت ویب ڈیسک ::خطرناک بیماریاں ختم کریں۔ رونا کچھ بیماریوں کے حوالے سے نہایت مفید ہے….ہمارےمعاشرے میں رونے والوں کو کمزورسمجھا جاتا ہے خاص طور پرمردوں کو اسی لیے مرد حضرات وہاں بھی نہیں روتے جہاں رو لینا چاہیے ایک تحقیق کے مطابق عورتیں مہینے میں پانچ سے سات مرتبہ جبکہ مرد مہینے میں ایک مرتبہ روتے ہیں حالانکہ رونا کچھ بیماریوں کے حوالے سے نہایت مفید ہے چند بیماریاں ایسی ہیں جو رونے سے ختم ہو جاتی ہیں آپ اگر ان بیماریوں میں سے کسی کا شکار ہیں تو بے فکر ہو کر روئیں یہ آپ کی صحت کے لیے مفید ہے چند بیماریاں۔درج ذیل ہیں
سٹریس اور ڈپریشن:
ایک تحقیق کے مطابق رونے سے سٹریس کا خاتمہ ہوتا ہے اور انسان سکون اور ریلیکس محسوس کرتا ہے ماہرین کے مطابق رونے کے تھوًی دیر بعد ذہنی تناو کا۔خاتمہ ہو جاتا ہے جس سے گہری نیند آتی ہے میڈیکل سائنس کے مطابق رونے سے پیراسمیتھیٹیک نروس سسٹم بیدار ہوتا ہے اور یہ سسٹم۔دماغ کو پُرسکون کرنے میں مدد دیتا ہے اسی طرح ہائی بلڈ پریشر جو کہ بہت سی خطرناک بیماریوں لا باعث ہے جس میں ہارٹ اٹیک فالج گردے فیل ہونے جیسی خطرناک بیماریاں شامل ہیں ماہرین کے مطابق رونے سے انسان کا بلڈ پریشر نارمل ہوتا ہے اور دل کی تیز دھڑکنیں بھی نارمل۔ہو جاتی ہیں اس کے علاوہ رونے کے دوران آنکھوں سے بہنے والے آنسو ہماری آنکھوں کی صفائی کر دیتے ہیں اس کے علاوہ آنسو جسم سے فاضل مادے بھی خارج کر دیتے ہیں جو سٹریس کے دوران بڑھ جاتے ہیں اور اس سے ہمارے جسم کا کورٹیسل ہارمون لیول نارمل۔ہو جاتا ہے اس ہارمون کی زیادتی ذہنی تناو کا باعث بنتی ہے ہمارے جسم میں موجود میگنیز کی زیادہ تعداد ہمارے مُوڈ کو متاثر کرتی ہے جب ہم روتے ہیں توآنسووں کے راستے ہمارے جسم میں موجود میگانیز کی زیادہ تعداد خارج ہو جاتی ہے اور جب یہ خارج ہوتے ہیں تو مُوڈ بہتر ہونے کے ساتھ ہی گہری نیند حاصل ہو جاتی ہے جسمانی درد کی صورت میں رونے سے تکلیف میں کمی واقع ہوتی ہے ماہرین کے مطابق رونے کے دوران آنسووں کے ساتھ جسم سے ایسے کیمیکلز خارج ہو جاتے ہیں جسم کی تکلیف کم کرتے ہیں ساتھ ہی ہمارے غم کے احساس کو بھی کم کر دیتے ہیں

November 8, 2019

بلی نے ہیرو کا لقب حاصل کرلیا۔ ویڈیو وائرل۔بلی نے ایک سالہ بچے کی زندگی کیسے بچائی؟

جدت ویب ڈیسک ::بوگوٹا: کولمبیا کی ایک پالتو بلی نے چھوٹے بچے کی زندگی کو محفوظ بنا کر ہیرو کا لقب حاصل کرلیا۔
بوگوٹا اپارٹمنٹ کی سامنے آنے والی سی سی ٹی وی فوٹیج میں دیکھا جاسکتا ہے کہ بلی اور ایک چھوٹا بچہ صوفے پر بیٹھے ہوئے تھے کہ اچانک بچے نے گھٹنوں گھٹنوں چلنا شروع کردیا اور وہ سیڑھیوں کے قریب پہنچا۔
بلی نے جب بچے کو زینے کے قریب جاتے دیکھا تو وہ تیزی سے بچے کے پاس گئی اور اُس کو سیڑھیوں سے پیچھے دھکیل دیا جس کی وجہ سے بچہ بڑے حادثے سے بچ گیا۔
ویڈیو میں دیکھا جاسکتا ہے کہ بلی نے بچے کے سر پر پنجے بھی مارے۔ جس کے بعد بچہ سیڑھیوں سے پیچھے ہوا اور واپس اپنی جگہ پر چلا گیا۔
رپورٹ کے مطابق 27 سالہ ڈیانا لورینا نے جب سیکیورٹی کیمرہ چیک کیا تو دیکھا کہ اُن کا ایک سالہ بچہ سامیول بالکل سیڑھیوں کے قریب تھا۔
ڈیانا لورینا کا کہنا ہے کہ انہیں اب اپنی بلی پر فخر ہے کیونکہ اُس نے بچے کی زندگی کو محفوظ بنایا۔

November 4, 2019

بھالو کے لطف اندوز ہونے کی ویڈیو وائرل

نیویارک: جدت ویب ڈیسک :: امریکا کے مغربی علاقے کولوراڈو میں ہونے والی برفباری سے بھالو کے لطف اندوز ہونے کی ویڈیو وائرل ہوگئی۔
تفصیلات کے مطابق امریکا کے مغربی علاقے میں گزشتہ دنوں موسم سرما کی پہلی برفباری ہوئی جس سے انسان تو انسان بلکہ سردی میں رہنے والے جانور بھی بھرپور انداز سے لطف اندوز ہوئے۔وائرل ہونے والی ویڈیو میں یہ بھی دیکھا جاسکتا ہے کہ سیاہ بھالو چلتا ہوا کھلی جگہ پر آیا اور برفباری سے لطف اندوز ہونے گا۔ سوشل میڈیا صارفین نے بھالو کی حرکت کو معصومانہ قرار دیا۔
انٹرنیٹ پر وائرل ہونے والی ویڈیو میں دیکھا جاسکتا ہے کہ ایک پالتو بھالو کھلے آسمان تلے فٹبال سے کھیل رہا ہے اور برفباری ہورہی ہے۔ویڈیو میں برفباری کے دوران بھالو کی خوشی دیدنی تھی جس کی مالک نے ویڈیو بنا کر سوشل میڈیا پر شیئر کی۔

November 2, 2019

خواتین متوجہ ہوں۔بال گرنے سے روکنے کا بہترین نسخہ جانیے

جدت ویب ڈیسک ::بال ہماری شخصیت کا اہم حصہ ہیں لیکن اگر یہ روکھے اور بے جان ہوجائیں تو ہماری شخصیت کا مجموعی تاثر بھی خراب ہوجاتا ہے جبکہ اس کے برعکس خوبصورت اور صحت مند گھنے بال ہماری شخصیت میں چار چاند لگاتے ہیں۔
بالوں کا گرنا خواتین سمیت ہر ایک کا مسئلہ بن چکا ہے اور اس مسئلے کو حل کرنے کےلیے ہم کبھی دادی کبھی نانی تو کبھی کسی کے ٹوٹکے آزماتے ہیں جو کبھی کامیاب تو کبھی ناکام سے ہمکنار ہوتے ہیں۔
آج جو ٹوٹکا ہم آپ کو بتا رہے ہیں وہ بالوں کو مضبوط، گھنا اور جاندار بنائے گا اور ساتھ ساتھ انہیں گرنے سے بھی روکے گا۔
بالوں کے خراب ہونے کی کئی وجوہات ہوتی ہیں۔سب سے پہلے تو بالوں کی ساخت کو سمجھنا ضروری ہے تاکہ اس حساب سے بالوں کی حفاظت کی جائے۔
اگر آپ کے بال خشک ہیں تو زیاہ تیل اور چکناہٹ پیدا کرنے والی چیزوں کا استعمال مناسب رہے گا لیکن اگر بال چکنے ہیں تو ایسی چیزوں کا استعمال درست ہے جو چکنائی پیدا ہونے سے روکتے ہیں۔
نسخہ
شو گڈ مارننگ پاکستان میں ڈاکٹر بتول اشرف نے بتایا کہ اس موسم میں لڑکیوں کے بال گرنے کی ایک وجہ خارش ہے جب سر میں خارش ہوتی ہے اور لڑکیاں خارش نہیں کرپاتی تو وہ بال گرنے کا باعث بنتے ہیں جسے کنٹرول کرنے کےلیے آج نسخہ بتارہے ہیں۔
تھوڑا سا سوکھا پودینا جسے ہاتھوں سے چورا کرنا ہے اور پھر اس میں ایک چمچ سیب کا سرکا، ایک چمچ خشخاش کا تیل، ایک چمچ زنک کا سیرپ اور ایک وٹامن ای کی کیپسول شامل کرنی ہے۔
ان اشیاء کے محلول کو سر میں لگانے سے فوری فائدہ ہوتو آپ نے اس عمل کو ایک ہفتہ جاری رکھنا ہے، روزانہ اس تیل کو ایک سے گھنٹے لگانے کے بعد شیمپو کرنا ہے۔
ایک بات کا خیال رکھیے گا کہ پودینا سر میں نہ لگائیے گا۔
لگانے کا طریقہ
کسی محلول یا تیل کا مساج جب بھی سر کریں تو سر کے اگلے حصّے سے شروع کرنا ہے اور نچلے حصّے تک کرنا ہے جو حرام مغض کہلاتا ہے۔

November 2, 2019

کراچی کے رہائشی گیارہ سالہ ایماز کا نام گینیز بک آف ورلڈ میں درج

کراچی ،جدت ویب ڈیسک :: پاکستان میں ٹیلنٹ کی کمی نہیں ہے، تعلیم کا میدان ہو یا کھیل کا میدان ، سائنس کا میدان ہو طب کو میدان بڑے بڑے پاکستانی نام کما چکے ہیں، یہ نام بڑے نہہیں بلکہ اس قوم کے نونہال بھی کما رہےہیں جس طرح کراچی کے رہائشی گیارہ سالہ ایماز نے نام کمایاہے

رپورٹ کے مطابق کراچی کے 11 سالہ ہونہاربچےایماز نے ایک منٹ میں سب سے ذیادہ ماملک کے نام لیکر بازی لے لی ،اسی کارنامے کی وجہ سے ایمازعلی آبرو نے گینیز بک آف ورلڈ ریکارڈ میں اپنا نام درج کروالیا ، یہ بھی یاد رہےکہ یہ اعزاز ایماز کانہیں بلکہ پاکستان کا اعزاز جسے ایماز نے اس کامیابی سے پاکستان کا نام عالمی سطح پر روشن کیا

ایماز نے بھارتی نوجوان واجو بھالو کا ریکارڈ توڑ کر گینیز بک آف ورلڈ ریکارڈ میں نام حاصل کیا ، اس بچے کا کہنا ہےکہ وہ آئندہ بھی اس قسم کے کارنامے سرانجام دے کر ملک و قوم کا نام روشن کرے گا ، ایماز کا یہ بھی کہنا ہےاسے بھارتی مدقابل کو شکست دیکر بہت زیادہ خوشی ہوئی ہے

October 30, 2019

سردیوں میں موسمی نزلہ زکام دور رکھنے میں مددگار غذائیں کون سی ہیں ۔جانیے

جدت ویب ڈیسک :: آج کل موسم بدل رہا ہے ۔اسکے ساتھ ہی مختلف بیماریاں بھی سر اٹھا لیتی ہیں۔ موسم سرما کے ساتھ ہی نزلہ زکام، فلو اور بخار کا سیزن بھی شروع ہوجاتا ہے اور لوگ بہت تیزی سے ادویات اور سیرپ وغیرہ خریدنا شروع کردیتے ہیں۔ مگر کیا آپ کو معلوم ہے کہ کچن میں موجود چند چیزیں اس حوالے سے ادویات سے زیادہ موثر فائدہ مند ثابت ہوتی ہیں اور مضر اثرات کا امکان بھی نہیں ہوتا۔
ویسے تو سوپ کا استعمال بھی فائدہ پہنچا سکتا ہے مگر کچھ سبزیاں، پھل اور مشروبات آپ کو موسم سرما میں بھی ان عام بیماریوں سے بچانے میں مدد دیتے ہیں۔
جڑوں والی سبزیاں
وٹامن سی وہ اہم غذائی جز ہے جو سرد موسم میں موسمی نزلہ زکام کا دورانیہ کم کرنے کے ساتھ حالت کو بھی بہتر بناتا ہے، مالٹے اس کے حصول کا اچھا ذریعہ ہے مگر جڑوں والی سبزیاں جیسے چقندر، گاجریں اور دیگر بھی یہ فائدہ پہنچاتی ہیں، گاجر کو تو آپ ایسے بھی کھاسکتے ہیں، ورنہ سالن یا سوپ میں ان کا اضافہ کیا جاسکتا ہے۔
جو کا دلیہ
جو کا دلیہ سردیوں کے لیے ایک صحت بخش انتخاب ثابت ہوسکتا ہے، اس میں زنک اور حل پذیر فائبر ہوتا ہے، زنک سے مدافعتی نظام کو مدد ملتی ہے جبکہ فائبر جسم کو گرمائش کا احساس دینے کے ساتھ پیٹ کو زیادہ دیر تک بھرے رکھتا ہے۔
انار
سردیوں کا یہ پھل بہت کم عرصے تک ہی دستیاب ہوتا ہے اور اس کو چھیلنا کافی مشکل لگ سکتا ہے، یہ پھل اینٹی آکسائیڈنٹس اور ورم کش ہوتا ہے جو نزلہ زکام کو دور رکھنے میں مدد دیتا ہے، اس کے ساتھ ساتھ یہ دل کو تحفظ فراہم کرتا ہے جبکہ بلڈ پریشر اور کولیسٹرول کی سطح کم کرتا ہے۔
آلو
سردیوں میں جسم گرمائش مانتا ہے اور آلو جسم کو گرمی فراہم کرسکتے ہیں، آلو کھانے سے دوران خون کا نظام بہتر ہوتا ہے اور جسمانی کاموں کے لیے ایندھن بھی ملتا ہے۔
میٹھا کدو
نارنجی رنگ کا یہ کدو بیٹا کیروٹین سے بھرپور ہوتا ہے اور فائبر کے حصول کا بہترین ذریعہ بھی ہے جو سردیوں کی طویل راتوں میں بے وقت منہ چلانے کی عادت کو کنٹرول کرنے میں بھی مدد دیتا ہے جبکہ موسمی نزلہ زکام سے بھی تحفظ ملتا ہے۔
لہسن
جراثیم کش خاصیت سے بھرپور یہ سبزی موسم سرما کے مخصوص بیکٹریا اور وائرسز وغیرہ کے خلاف بھرپور مزاحمت کرتی ہے۔ اس میں شامل جز الیسین انفیکشنز کو بلاک کرتا ہے اور چکن سوپ کے ساتھ اسے استعمال کریں آپ کو اس کے فوائد یقیناً حیران کرکے رکھ دیں گے۔
سبزچائے
سبز چائے سردیوں کے لیے بہترین گرم مشروب ہے، یہ ایسے منرلز اور وٹامنز فراہم کرتا ہے جو مدافعتی نظام کو مضبوط بناتے ہیں۔ ماہرین کے مطابق سبز چائے دیگر کیفین والی چائے کے مقابلے میں صحت کے لیے زیادہ فائدہ مند ہے، اس میں موجود ایک اینٹی آکسائیڈنٹس وائرس کو مارتا ہے۔……………..نوٹ: یہ مضمون عام معلومات کے لیے ہے۔ قارئین اس حوالے سے اپنے معالج سے بھی ضرور مشورہ لیں۔

Image result for green tea benefits

Image result for green tea benefits

October 30, 2019

اس ڈش کا نام سنگاپوری رائس کیوں ہے؟کیا مزیدار سنگاپورین رائس گھر پر بنانا چاہیں گے؟

جدت ویب ڈیسک :: چاول تو بہت سے کھائے ہونگے لیکن سنگاپورین رائس کا نام سُنیں تو ایسا محسوس ہوتا ہے کہ اس کا تعلق سنگاپور سے ہوگا، لیکن حقیقت یہ ہے کہ ایسا کچھ نہیں ہے۔
اگر آپ گوگل پر اس ڈش کو سرچ کریں تو آپ کو زیادہ تر پاکستان میں سنگاپورین رائس بنانے کی ترکیب ملیں گی۔
لیکن اس ڈش کا تعلق کہاں سے ہے اور یہ کیوں اتنی مقبول ہوئی، اس حوالے سے درست معلومات تک رسائی ممکن نہیں ہو پائی۔
اصل میں سنگاپورین رائس نام کی کوئی ڈش دنیا کے کسی بھی ممالک سے تعلق نہیں رکھتی اور اس کا تعلق سنگاپور سے تو بالکل نہیں ہے۔
جنوبی چین میں Hainanese Chicken Rice نامی ایک ڈش تیار کی جاتی ہے، جو بعدازاں سنگاپور کی قومی ڈش سمجھی جانے لگی۔
یہ ڈش بھی چکن اور چاولوں کے ساتھ تیار ہوتی ہے لیکن گزرتے وقت کے ساتھ پاکستان میں اس ڈش کو ایک نئے انداز سے بنانا شروع کیا گیا اور اسے سنگاپورین رائس کا نام دے دیا گیا۔
اب یہ ڈش پاکستان میں بےحد شوق سے بنائی اور کھائی جاتی ہے، جبکہ لوگ اسے کئی تقاریب اور شادیوں میں بھی اپنے پکوانوں کی فہرست میں شامل کرتے ہیں۔ اس لذیذ ڈش کی مزیدار ترکیب یہاں ہے
چکن گریوی کے اجزاء:
چکن ½ کلو بون لیس بوٹیوں میں کاٹ لیں

سویا ساس کھانے کا ایک چمچ

سرکا ایک کھانے کا چمچ

تیل دو کھانے کے چمچ

نمک ½ چائے کا چمچ

لال مرچ ½ چائے کا چمچ

ادرک لہسن پیسٹ ایک کھانے کا چمچ

کالی مرچ ½ چائے کا چمچ

چلی ساس ایک چائے کا چمچ

کیچپ ½ کپ

پانی دو سے تین کھانے کے چمچ
فرائڈ سبزی اور نوڈلز کے اجزاء:
ابلے ہوئے نوڈلز 200 گرام

تیل ایک کھانے کا چمچ

ادرک لمبا کٹا ہوا ایک کھانے کا چمچ

شملہ مرچ لمبی کٹی ہوئی ½ کپ

ہری پیاز کا سفید حصہ کٹا ہوا ¼ کپ

ہری پیاز کا ہرا حصہ کٹا ہوا ¼ کپ

بند گوبھی لمبی کٹی ہوئی ایک کپ

گاجر لمبائی میں کٹی ہوئی ½ کپ

نمک حسب ذائقہ

کالی مرچ حسب ذائقہ

لال مرچ پاؤڈر ½ چائے کا چمچ

تل کا تیل ¼ چائے کا چمچ

سویا ساس دو کھانے کے چمچ

مایو ساس بنانے کے اجزاء:
مایونیز ½ کپ

کیچپ 1/3 کپ

چلی ساس ایک چائے کا چمچ

نمک ایک چٹکی

کالی مرچی ایک چٹکی

چاول:
چاول ½ کلو

نمک ایک چائے کا چمچ

تیل ایک چائے کا چمچ
ترکیب:
چکن گریوی: تیل گرم کرکے چکن شامل کریں، اس میں ادرک لہسن کا پیسٹ ڈالیں، رنگ تبدیل ہونے تک فرائی کریں، سویا ساس، سرکا، نمک، لال مرچ، کالی مرچ شامل کریں اور اچھی طرح ملائیں، بعدازاں چلی ساس، کیچپ اور تھوڑا سا پانی شامل کرکے تین سے چار منٹ تک پکائیں، تیار ہونے کے بعد اسے ایک پیالے میں نکال لیں۔
فرائڈ سبزی اور نوڈلز: اس ہی پتیلی میں تھوڑا سا تیل ڈالیں اور ساری سبزیاں شامل کرلیں، صرف ہری پیاز کے ہرے حصے کو چھوڑ دیں، سویا ساس، نمک، کالی مرچ، لال مرچ شامل کرکے ایک سے دو منٹ تک فرائی کریں، ابلے ہوئے نوڈلز شامل کریں اور ملائیں، تیل، ہری پیاز کا ہرا حصہ شامل کریں اور دوبارہ ملائیں، تیار ہونے ہر الگ رکھ لیں۔
مایو ساس: ایک پیالے میں مایونیز، کیچپ، چلی ساس، نمک اور کالی مرچ شامل کریں، اچھی طرح ملائیں، مایو ساس تیار ہونے پر چاہیں تو اسے کسی بوتل میں رکھ لیں۔ چاول دو کپ نمک کے ساتھ پکا کر علیحدہ رکھ لیں، اور لہسن اور ہری مرچ کا کاٹ کر الگ سے فرائی کرلیں۔
سجاوٹ: ایک ڈش میں چاول کی تہہ لگائیں، دوسری تہہ فرائی سبزیوں اور نوڈلز کی لگادیں، جس کے بعد سب سے اوپر چکن کی تہہ لگائیں۔
آخر میں مایو ساس اوپر سے ڈالیں اور فرائی کی ہوئی ہری مرچ اور لہسن شامل کرکے گھر والوں کے سامنے پیش کریں۔

Image result for singapuri rice

Hainanese Chicken Rice — فوٹو شٹر اسٹاک

October 28, 2019

چٹخارے دارسپائسی اٹالین پاستا سلاد ریسیپی

جدت ویب ڈیسک :: آئیے سیکھیے۔چٹخارے دارسپائسی اٹالین پاستا سلاد ریسیپی
پاستہ بنانے کے لئے اجزاء:
اسپیگیٹی آدھا پیکٹ
نمک حسب ذائقہ
آئل پاؤکپ
پنیر پاؤ کپ
سوس بنانے کے لئے:
مکھن آدھا کھانے کا چمچ
میدہ ایک یا ڈیڑھ کھانے کا چمچ
مرغی کی یخنی آدھا کپ
نمک حسب ذائقہ
مصالحہ بنانے کے لئے:
سفید زیرہ آدھا چائے کا چمچ
جاوتری آدھا چائے کا چمچ
لال مرچ پاؤڈر پاؤ چائے کا چمچ
کالی مرچ پاؤڈر آدھا کھانے کا چمچ
ثابت دھنیا ایک کھانے کا چمچ
ترکیب مصالحہ بنانے کے لئے:
پین یا توے پر سفید زیرہ جاوتری اور ثابت دھنیا بھون کر پیس لیں ان میں لال مرچ اور کالی مرچ بھی شامل کر دیں
سوس بنانے کے لئے ترکیب: ایک پین میں مکھن ڈال کر گرم کریں پھر اس میں میدہاور نمک ڈال کر ہلکا سا بھون لیں پھر اس میں یخنی شامل کر کے پانچ منٹ تک پکائیں اور چولہے سے اتار لیں
پاستا بنانے کے لئے: ایک پتیلی میں پانی ڈال کر ابلنے کے لئے رکھ دیں جب پانی میں ابال آجائے تو نمک ڈال دیں اور ساتھ ہی اسپیگیٹی بھی ڈال دیں اور ابلنے دیں جب اسپیگیٹی نرم ہا جائے تو پانی چھان لیں پھر ایک پین یا کڑاہی میں اسپیگیٹی سوس اور مصالحہ ڈال کر مکس کریں ڈش میں نکال کر اس کے اوپر پنیر ڈال کر تین سے چار منٹ بیک کریں مزیدار سپائسی اٹالین پیزا تیار ہے گرم گرم پیش کریں

Related image