December 9, 2017

کراچی: پولیس کارروائی میں بچے کے اغوا میں ملوث2 ملزم ہلاک

کراچی جدت ویب ڈیسک : گلستان جوہر پہلوان گوٹھ میں قانون نافذ کرنے والے اداروں کی کارروائی میں بچے کے اغوا میں ملوث2 ملزم ہلاک ہوگئے۔تفصیلات کے مطابق کراچی کے علاقے گلستان جوہر میں کامران چورنگی کے قریب اینٹی وائیلنٹ کرائم سیل (اے وی سی سی) اور سٹیزن پولیس لائژن کمیٹی(سی پی ایل سی)کی جانب سے مشترکہ کارروائی کی گئی، جس کے نتیجے میں تین روز قبل ڈیفنس سے 3 سالہ بچے عبان کو اغوا کرنے والے 2 اغوا کار ہلاک ہوگئے۔اے وی سی سی کے ایس ایس پی عبداللہ حامد نے بتایا کہ مقابلے میں ہلاک ہونے والے اغواکاروں کی شناخت ظہر مرزا اور زکی کے نام سے کرلی گئی جب کہ اغوا کاروں کے قبضے سے تاوان کی رقم، ایف آئی اے کا جعلی کارڈ اور مغوی بچے کی والدہ کا موبائل فون برآمد ہوا ہے۔ عبداللہ حامد کے مطابق مقابلے میں مارے جانے والے اغوا کاروں نے 3 لاکھ روپے تاوان وصول کر کے بچے کو رہا کیا تھا۔ آئی جی سندھ اے ڈی خواجہ نے اے وی سی سی کی ٹیم کیلئے ایک لاکھ روپے انعام کا اعلان کردیا۔

December 9, 2017

دھرنوں کی سیاست کو دفن کرنا ہوگاورنہ انارکی ملک کا مقدربن جائے گی

جدت ویب ڈیسک :ٹیکسلا میں پریس کانفرنس کے دوران چوہدری نثارعلی خان نے کہا کہ ماضی میں دھرنے کی اجازت وزارت داخلہ نے نہیں حکومت نے دی، چوہدری نثارعلی خان نے کہا کہ پاکستان کی پولیس اورایف سی کے پاس دھرنے کو روکنے کی پوری صلاحیت ہے۔ 2014 میں عمران خان اور طاہرالقادری کے دھرنے کے 14 ہزار مظاہرین کو اسی پولیس اور ایف سی نے روکا، فرق یہ تھا کہ اس وقت کا وزیر داخلہ پولیس اور ایف سی کے ساتھ وہاں کھڑا تھا، بحیثیت وزیر داخلہ ان کے دور میں اسلام آباد میں دو دھرنے ہوئے لیکن کبھی تشدد نہیں ہوا، ان کی ہمیشہ سے یہ کوشش ہوتی کہ کسی صورت میں بھی فیض آباد انٹرچینج پر قبضے کی اجازت نہیں دی جانی چاہیے کیونکہ اس پر قبضہ دونوں شہروں کو سیل کرنے کے برابر ہے لیکن بدقسمتی سے اس بار ایسا نہیں ہوسکا۔ دھرنوں کا باب ہمیشہ کے لیے بند کرنا فوج سمیت تمام اداروں کی ذمہ داری ہےپہلے دھرنے میں نوازشریف نے مداخلت کرکے دھرنے کی اجازت دی، میں ریڈ زون میں اجازت دینے کے خلاف تھا مگر اس وقت کے وزیراعظم نے اس کی اجازت دی، وہ پہلَے دھرنے کے وقت سے کہہ رہے ہیں اگر آج ہم نے یہ روایت ڈال دی تو پھرچند لوگوں کا جتھہ آئے گا اور اپنے مطالبات دہرائے گا، ملک کو اگرآگے بڑھنا ہے تو ہمیں دھرنوں کا باب مکمل طورپربند کرنا ہوگا، ورنہ یہاں انارکی پھیلانے والوں کی حکومت ہوگی، جو زیادہ طاقتور ہوگا وہ اسلام آباد پرقبضہ کرے گا اوراپنی بات منوائے گا۔

 

December 9, 2017

وزیر اعظم شاہد خاقان عباسی نےجھنگ میں پاور پلانٹ منصوبے کا سنگ بنیاد رکھ دیا ،مخالفین کی گالیاں دینے میں سینچری

جھنگ ۔ جدت ویب ڈیسک :وزیر اعظم شاہد خاقان عباسی نےجھنگ میں پاور پلانٹ منصوبے کا سنگ بنیاد رکھنے سے متعلق تقریب میں خطاب کرتے ہوئے انہوں نے کہا کہ یہ منصوبہ 80ارب کی لاگت سے 14مہینے کی ریکارڈ مدت میں مکمل ہو گا اور اس وقت بھی ن لیگ کی حکومت ہو گی۔ان کا کہنا تھا کہ دنیا میں کہیں اتنی کم مدت میں منصوبے مکمل نہیں ہوتے ،جرمنی میں بھی اس طرز کے منصوبے 36مہینوں میں مکمل ہوتے ہیں ۔وزیراعظم نے اس پلانٹ کی افادیت بتاتے ہوئے کہا کہ مظفر گڑھ میں تیل سے چلنے والا بجلی کا منصوبہ ہے اگر اسے بند کردیں اور اس پلانٹ کی بجلی حاصل کریں تو سالانہ 30ارب روپے کا فائدہ ہو گا ۔ان کا کہنا تھا کہ جب حکومت سنبھالی تو 10ہزار میگا واٹ بجلی کی ضرورت تھی ،ہم نے کم وقت میں نہ صرف یہ قلت پور ی کی بلکہ 2030تک کے لیے بجلی کے منصوبوں پر کام جاری ہے ۔انہوں نے کہا کہ سیاسی مخالفین گالم گلوچ کرتے ہیں لیکن ہماری تربیت نواز شریف نے کی ہے جو نجی محفلوں میں بھی مخالفین کو گالیاں نہیں دیتے ۔حکومت جون میںمدت پوری کرے گی اور اس کے بعد عام انتخابات ہوں گے لیکن ملک کی سیاسی صورتحال کے دیکھتے ہوئے ایسا لگ رہا ہے کہ مخالفین الیکشن سے بھاگنا چاہتے ہیں ۔ان کا کہنا تھا کہ سینٹ میں انتخابی اصلاحات بل کو پاس کرانے کی راہ میں پیپلز پارٹی اور تحریک انصاف سمیت دیگر جماعتیں رکاوٹ بنی ہوئی ہیں ،اس وقت صرف ن لیگ چاہتی ہے کہ انتخابا ت وقت پر ہوں ۔انہوں نے کہا کہ آج بہت سے اتحاد کی خبریں آرہی ہیں ،زیرو جمع زیرو بھی زیرو ہی ہوتا ہے ، موجودہ صورتحال میں اتحاد کی کوئی ضرورت نہیں ہے ۔

 

December 9, 2017

کراچی میں ٹریفک پولیس کی زیرسر پرستی میں غیر قانونی جوا مافیا سر گرم

جدت ویب ڈیسک ؛ غیر قانونی موٹر سائیکل ریس کی آڑ میں پولیس کی سر پرستی میں جوا مافیا کا راج ،سی ویو پر ہونے والے واقع میں جاںبحق ہونے والے نوجوان کا قتل کوئی پہلا قتل نہیں ہے ،اس سے قبل بھی کئی نو جوان ایسے واقعات  کی بھیٹ چڑ چکے ہیں،سی ویو ، بوٹ بیسن ،بدرکمرشل ،شاہراہ فیصل ہویا کوئی بھی جگہ موٹر سائیکل سوار وں نے ان مقامات کو ریس ٹریک بنا رکھا ہے ،پولیس کی سر پرستی میں یہ کام زور شور سے جاری ہے،جوامافیا کے ساتھ اپنے گارڈز ہوتے ہیں پولیس ان کو روکنے تک کی مجال نہیں ،ذرئع کے مطابق ان وارداتوں میں کئی اہم سیاسی اور دیگر نامی شخصیات کی اولادیں ملوث ہوتی ہیں جس کے باعث ایسے کیسز کو عام طور پر دبا دیا جاتا ہے،تا ہم انتہائی ہائی پروفائیل کیسز میں ایسے معاملے منظرعام پر آجاتے ہیں ، ساحل سمندر کے قریب موٹر سائیکل سواروں کی ریس اور ون وہیلنگ کے واقعات کی روک تھام کے لئے آئی جی سندھ اور ڈی آئی جی ساوتھ کو کارووئی کی سخت ہدایت جاری کر دی ،کراچی میں ہفتے کے روز شہر کی ایک درجن شاہراہوں پر پولیس کی سر پرستی میں موٹر سائیکل اور رکشہ ریس کرائی جاتی ہیں ان میں ریسوں میںبڑے پیمانے پر جوا کھلا جاتا ہے موٹر سائیکل ریسوں کے آرگنانز علاقہ تھانہ اور ٹریفک پولیس کو باقاعدہ بھتہ ادا کیا جاتا ہے

December 9, 2017

اقوام متحدہ کے فوجی کیمپ پرحملہ، 15 امن فوجی ہلاک

کانگو جدت ویب ڈیسک :غیرملکی خبررساں ادارے کے مطابق افریقی ملک یوگنڈا کی سرحد سے متصل کانگو کے علاقے شمالی کیوو میں مسلح جتھے نے اقوام متحدہ کے فوجی اڈے پر حملہ کردیا، جس کے نتیجے میں 20 فوجی ہلاک جب کہ 500 سے زائد زخمی ہوگئے۔ ہلاک ہونے والے فوجیوں میں سے 5 مقامی جب کہ 15 کا تعلق دیگر ملکوں سے ہے تاہم اقوام متحدہ کی جانب سے اب تک ہلاک اور زخمی فوجیوں کی شناخت ظاہرنہیں کی گئی۔واضح رہے کہ 1993 میں صومالیہ میں اقوام متحدہ کے امن مشن پر حملہ ہوا تھا جس میں 24 پاکستانی فوجی جاں بحق ہوگئے تھے اور اس واقعے کو اقوام متحدہ کی تاریخ کا سب سے اندوہناک واقعہ سمجھا جاتا ہے۔ اقوام متحدہ کے سیکریٹری جنرل نے حملے کی سخت الفاظ میں مذمت کرتے ہوئے اسِے اقوام متحدہ کے امن اہلکاروں پر اب تک کا بدترین حملہ قرار دیا ہے۔ انہوں نے حملے کی تفتیش کا مطالبہ کرتے ہوئے ملزموں کو سخت سزا دینے کا مطالبہ بھی کیا ہے۔

 

December 9, 2017

ملک کے مختلف علاقوں میں بارش کی پیشنگوئی ،کراچی شدید سردی کی لپیٹ میں آنے کا امکان, محکمہ موسمیات

کراچی جدت ویب ڈیسک : شہر قائد کا موسم آج سرد اور خشک رہے گا۔ کراچی کا موجودہ درجہ حرارت 27 سینٹی گریڈ اور آج ہوامیں نمی کا تناسب 26 فیصد ریکارڈ کیا گیا۔ سمندر کی جانب سے چلنے والی ہواؤں کی رفتار 18 کلومیٹر فی گھنٹہ ہے جس کے باعث شہر قائد میں سردی بڑھنے کا امکان ہے۔ محکمہ موسمیات کا کہنا ہے کہ موسم ایک سے دوروز معتدل رہنے کے بعد کراچی شدید سردی کی لپیٹ میں آجائے گا۔ ملک بھر میں سردی کی شدید لہر جاری ہے جب کہ اسلام آباد سمیت دیگر شہروں میں موسم سرد اور خشک ہے، تاہم محکمہ موسمیات نے آئندہ ہفتے ملک کے مختلف علاقوں میں بارش کی پیشنگوئی کی ہےسردی مغربی سسٹم کی وجہ سے بڑھے گی جب کہ کراچی میں بارشوں کا نیا سسٹم اگلے ہفتے داخل ہوگا۔محکمہ موسمیات کے مطابق شمالی بلوچستان اور بالائی سندھ میں اتوار اور پیر کے روز چند مقامات پر بارش کا امکان ہے۔ جب کہ خیبرپختونخوا، فاٹا، اسلام آباد، پنجاب، گلگت بلتستان اور کشمیر میں پیر سے بدھ تک بارش متوقع ہے۔آئندہ 12 گھنٹوں کے دوران مالا کنڈ ڈویژن اور گلگت بلتستان میں چند مقامات پر ہلکی بارش اور پہاڑوں پر برفباری کا امکان ہے جب کہ پنجاب کے بعض میدانی علاقوں اور بالائی سندھ میں صبح کے اوقات میں ہلکی دھند پڑسکتی ہے۔ لہٰذا محکمہ موسمیات کی جانب سے لوگوں کو احتیاط کرنےاورگرم کپڑے پہننےکی ہدایت کی گئی ہے۔بارشوں کے باعث خشک سردی سے پیدا ہونے والی بیماریوں کا خاتمہ ہوگا۔