November 27, 2020

کٹھ پتلیاں جیالوں سے خوفزدہ ہیں، جو کرنا ہے کرلیں، بلاول بھٹو

کراچی : جدت ویب ڈیسک: چیئرمین پاکستان پیپلز پارٹی پی پی پی کا کہنا ہے کہ 30 نومبر کو پی ڈی ایم کے ہمراہ یوم تاسیس منانے سے پیپلز پارٹی کوکوئی نہیں روک سکتا۔انہوں نے ملتان میں گرفتار پیپلز پارٹی کے کارکنان کی ایک ویڈیو شیئر کرتے ہوئے لکھا کہ یہ کٹھ پتلیاں جیالوں سے خوفزدہ ہیں، جو کرنا ہے کرلیں۔دوسری جانب ملتان میں اپوزیشن کی تحریک پاکستان ڈیموکریٹک موومنٹ (پی ڈی ایم) کے جلسے سے پہلے قلعہ کہنہ قاسم باغ کو درجنوں کنٹینرز لگا کر سیل کر دیا گیا۔30 نومبر کو پی ڈی ایم کے ہمراہ یوم تاسیس منانے سے پیپلزپارٹی کوکوئی نہیں روک سکتا۔بلاول بھٹو کا کہنا ہے کہ حکومت نے ملتان میں جمہوری کارکنوں کی گرفتاریوں کا سلسلہ جاری رکھا ہوا ہے ۔بلاول بھٹو اور مریم نواز شریف میں ٹیلی فونک رابطہ، دھاندلی کی مذمت میرا الیکشن چُرایا گیا ہے : بلاول بھٹو زرداری پولیس نے مختلف علاقوں میں چھاپے مار کر 20 سے زائد مختلف سیاسی جماعتوں کے کارکنوں کو حراست میں لے لیا، جن میں یوسی کے سابق چیئرمین بھی شامل ہیں۔قلعہ کہنہ کو رات گئے پولیس کی جانب سے سیل کیا گیا ہے ، پاکستان ڈیمو کریٹک موومنٹ پی ڈی ایم نے 30 نومبر کو قاسم باغ میں جلسہ کرنے کا اعلان کر رکھا ہے ۔ضلعی انتظامیہ نے پی ڈی ایم کے جلسے کی درخواست مسترد کر دی تھی۔

 

November 27, 2020

شہبازشریف اور حمزہ شہباز کو پیرول پر رہا کرنے کا نوٹیفکیشن جاری

لاہور: جدت ویب ڈیسک :محکمہ داخلہ پنجاب نے شہبازشریف اور حمزہ شہباز کو پیرول پر رہا کرنے کا نوٹیفیکیشن جاری کردیا۔ذرائع کے مطابق مسلم لیگ (ن) کے صدر شہبازشریف اور ان کے بیٹے حمزہ شہباز کو پے رول پر رہا کرنے کا نوٹیفیکیشن جاری کردیا گیا، محکمہ داخلہ پنجاب نے دونوں رہنماں کی 5 روز کے لئے پے رول پر رہا کرنے کا نوٹیفیکیشن جاری کیا ہے۔محکمہ داخلہ کا کہنا ہے کہ سلم لیگ ن کی جانب سے شہبازشریف حمزہ شہباز کو 14 روز کے لئے پے رول پر رہا کرنے کی درخواست دی تھی، تاہم پنجاب کابینہ اور وزیراعلی پنجاب کی جانب سے 5 روز کیلئے پے رول پر رہا کرنے کی منظوری دی، پنجاب حکومت نے پاکستان پریزن رولز 1978 کے سیکشن 545 بی کے تحت پے رول پر رہائی کی اجازت دی ہے، شہبازشریف اور حمزہ شہبازشریف کو اڑھائی بجے رہا کردیا جائے گا۔محکمہ داخلہ کے مطابق شہبازشریف اور حمزہ شہباز کو انسانی ہمدردی کے ناطے پے رول پر رہا کیا جارہا ہے، ان کی پے رول پر رہائی 27نومبر سے 1دسمبر تک ہوگی۔

November 27, 2020

اینکر مرید عباس قتل کیس،مفرور ملزم عادل زمان اشتہاری قرار

کراچی: جدت ویب ڈیسک :پولیس نے ملزم کو گرفتار کرنے میں ناکامی کا اعتراف کرلیا جب کہ عدالت نے تفتیشی پولیس کو اینکر مرید عباس قتل کیس میں مفرور ملزم عادل زمان کو اشتہاری قرار دینے، جائیداد ضبط کرنے اور اخبارات میں اشتہارات شائع کرکے رپورٹ پیش کرنے کا حکم دیدیا۔سینٹرل جیل میں جوڈیشل کمپلیکس میں سیشن عدالت کے روبرو اینکر مرید عباس قتل کیس کی سماعت ہوئی، تفتیشی پولیس نے ملزم عادل زمان کو گرفتار کرنے میں ناکامی کا اعتراف کرلیا، پولیس کی جانب سے جمع کرائی رپورٹ میں کہا گیا کہ ملزم کو گرفتار کرنے کی کوشش کی مگر وہ فرار ہوگیا، ملزم عادل زمان کو گرفتار کرنے کے لیے کے پی میں مختلف ٹھکانوں پر بھی چھاپے مارے گئے۔عدالت نے مفرور ملزم عادل زمان کو اشتہاری قرار دینے کی کارروائی شروع کرنے کا حکم دیے دیا، عدالت نے عادل زمان اور اس کی جائیداد سے متعلق اخبارات میں اشتہارات شائع کرنے کا حکم دیا۔ عدالت نے مفرور ملزم عادل زمان کے حوالے سے اشتہارات شائع کرکے 12 دسمبر کو رپورٹ پیش کرنے کا حکم دیدیا۔

November 27, 2020

ملک بھرمیں کورونا کے تیز وار ہوگئے

ویب ڈیسک ::، نیشنل کمانڈ اینڈ آپریشن سنٹر کا کہنا ہے کہ مثبت کیسز کی شرح 7.20 فیصد تک پہنچ گئی۔ پشاورمیں وائرس کا پھیلائو سب سے زیادہ ہے۔ اسد عمر کہتے ہیں عوام کا تحفظ ترجیح ہے۔وفاقی وزیر اسد عمر کی زیرصدارت نیشنل کمانڈ اینڈ آپریشن سنٹر میں اجلاس ہوا، ملک بھر میں کورونا کی صورتحال کا جائزہ لیا گیا۔ صوبوں کے چیف سیکرٹریزنے ویڈیو لنک کے ذریعے شرکت کی۔ طبی ماہرین نے اجلاس کو بریفنگ دی۔این سی اوسی کا کہنا ہے کہ ملک بھر میں کورونا کے مثبت کیسز کی شرح 7.20 فیصد ہے۔ پشاور میں مثبت کیسز کی شرح سب سے زیادہ 19.65 فیصد تک پہنچ گئی۔
این سی او سی کے مطابق، کراچی میں 17.73 اورحیدر آباد میں مثبت کیسز کی شرح 16.32 فیصد ہے۔ سندھ میں مثبت کیسز کی شرح 13.25، پنجاب 3.59، بلوچستان 6.41، خیبرپختونخوا 9.25، آزادکشمیر 10.79، گلگت بلتستان 4.81 اور اسلام آباد میں مثبت کیسز کی شرح 5.84 فیصد ہے۔
لاہورمیں کورونا کے مثبت کیسز کی شرح 4.52، راولپنڈی میں 11.49، کوئٹہ میں 9.77، میرپور14.97، مظفرآباد 10.34 اور گلگت میں مثبت کیسز کی شرح 9.26 فیصد ہے۔
نیشنل کمانڈ اینڈ آپریشن سنٹر کے مطابق ملک بھرمیں کورونا کے تشویشناک مریضوں کی تعداد میں تیزی سے اضافہ ہو رہا ہے۔ اس وقت 2 ہزار 112 مریضوں کی حالت تشویشناک ہے۔
وفاقی وزیراسد عمر کا کہنا تھا کہ عوام کی حفاظت اور ان کی صحت کےلیے اقدامات اولین ترجیح ہے۔ وزارت صحت نے ایس او پیز اور ہیلتھ گائیڈلائنز پر عملدرآمد کے لیے سخت ہدایات جاری کی ہیں۔ تمام صوبے ہیلتھ گائیڈلائنز پرعملدرآمد کو یقینی بنائیں۔اجلاس کو علمائے کرام اورشادی ہال ایسوسی ایشنز کے ساتھ ملاقاتوں سے متعلق بھی آگاہ کیا گیا۔ اِن ملاقاتوں میں ایس او پیزپرعملدرآمد سے متعلق غور کیا گیا۔

November 27, 2020

بختاور بھٹو زرداری کی منگنی کی تقریب آج بلاول ہائوس میںہوگی

کراچی: بختاور بھٹو زرداری کی منگنی کی تقریب گھر کے لوگوں تک ہی محدود ہو گئی ۔منگنی میں کورونا کے باعث بلاول شرکت نہیں کریں گے، اگر ہوا تو بلاول ڈاکٹرز کی ہدایت کے مطابق ہی تقریب میں شرکت کریں گے۔ آصف زرداری بختاور کی منگنی میں شرکت کریں گے ، بختاور بھٹو کو سیاست میں دلچسپی نہیں ہے، وہ گھریلو معاملات میں دلچسپی رکھتی ہیں۔واضح رہے کہ بختاوربھٹو کی منگنی کی تقریب آج بلاول ہائوس میں ہوگی، لیکن کورونا وبا کے باعث بلاول ہائوس میں منگنی کی تقریب سادگی سے ایس او پیز پر عمل کرتے ہوئے منعقد کی جائے گی۔ بختاور بھٹو زرداری کی منگنی کے دعوت نامے پرمہمانوں کو کورونا احتیاطی تدابیراختیار کرنے کا مشورہ دیا گیا ہے اور تمام مہمانوں کو تقریب میں شرکت سے 24 گھنٹے قبل کورونا کے منفی ٹیسٹ کی اسکین کاپی بھی بلاول ہائوس کو فراہم کرنے کا کہا گیا ہے۔واضح رہے کہ بختاور بھٹو زرداری پاکستان پیپلز پارٹی کے سیاسی گھرانے کا حصہ ہیں۔ 25 جنوری 1990 کو پاکستان کے صوبے سندھ ، کراچی میں پیدا ہوئیں۔ وہ پاکستان کی سابق وزیر اعظم دختر مشرق ، شہید جمہوریت محترمہ بے نظیر بھٹو اور پاکستان کے سابق صدر آصف علی زرداری کی بڑی بیٹی ہیں۔ وہ پاکستان پیپلز پارٹی کے بانی ، قائد عوام شہید ذو الفقار علی بھٹو کی نواسی اور شاہنواز بھٹو اور مرتضیٰ بھٹو کی بھانجی ہیں۔ آصفہ بھٹو زرداری، حاکم علی زرداری کی پوتی اورپاکستان قومی اسمبلی کی رکن عذرا فضل پیچوہو اور فریال تالپور کی بھتیجی ہیں۔

November 27, 2020

وزیر خارجہ شاہ محمود اور افغان ہم منصب کی ملاقات، علاقائی صورتحال پر تبادلہ خیال

نائجر:جدت ویب ڈیسک : وزیر خارجہ شاہ محمود قریشی اور ان کے افغان ہم منصب حنیف اتمر کے درمیان ملاقات ہوئی، جس میں پاک، افغان دو طرفہ تعلقات، افغان امن عمل، علاقائی صورتحال سمیت باہمی تعاون کے فروغ پر تبادلہ خیال کیا گیا۔ وزیر خارجہ شاہ محمود قریشی اور ان کے افغان ہم منصب حنیف اتمر کے درمیان ملاقات نائجر کے شہر نیامے میں اسلامی تعاون تنظیم کے 47 ویں وزارتی کونسل اجلاس کی سائیڈ لائنز پر ہوئی۔ اس موقع پر شاہ محمود قریشی نے کہا کہ افغان قیادت کے پاس امن کا نادر موقع ہے تاہم امن دشمنوں سے بھی باخبر رہنا ہو گا، پاکستان، دیرپا افغان امن، مہاجرین کی جلد لیکن باوقار وطن واپسی کا خواہاں ہے۔شاہ محمود قریشی نے کابل، بامیان دہشت گرد حملوں کی مذمت اور قیمتی جانی نقصان پر دکھ کا اظہار کیا۔ انہوں نے کہا کہ وزیراعظم کا حالیہ دورہ دو طرفہ روابط کو مزید مستحکم بنانے میں مددگار ہوگا، خطے میں دیرپا امن، پر امن افغانستان سے جڑا ہے۔

November 27, 2020

ام رباب اہلخانہ قتل کیس، سندھ پولیس دو مفروروں کو بھی گرفتار نہیں کرسکتی؟ چیف جسٹس

اسلام آباد: جدت ویب ڈیسک :سپریم کورٹ نے ام رباب کے اہل خانہ کے قتل میں ملوث دوسرے مفرور ملزم مرتضی چانڈیو کو گرفتار کرنے کا حکم دیدیا۔ سپریم کورٹ میں ام رباب چانڈیو کے اہلخانہ قتل کیس کی سماعت ہوئی تو آئی جی سندھ مشتاق مہر عدالت میں پیش ہوئے اور بتایا کہ دو مفرور ملزمان میں سے ایک ذوالفقار چانڈیو گرفتار ہوگیا۔ چیف جسٹس نے کہا کہ کیا سندھ پولیس دو مفروروں کو بھی گرفتار نہیں کر سکتی؟۔ام رباب چانڈیو نے عدالت کو بتایا کہ ملزم کو ڈیل کے تحت پولیس کے حوالے کیا گیا ہے، جاگیردار اور ڈیریوں کیخلاف ملزمان کی سہولت کاری پر کارروائی نہیں ہوئی، عدالت جاتی ہوں تو جاگیردار اور وڈیرے میرا راستہ روکتے ہیں، ان ے مجھے جان کا خطرہ ہے۔آئی جی سندھ نے کہا کہ ام رباب کو مکمل سکیورٹی فراہم کر رہے ہیں۔ ام رباب نے کہا کہ پیپلزپارٹی کے دونوں ارکان صوبائی اسمبلی (ایم پی ایز)قتل کیس میں ملزم ہیں لیکن ان کے خلاف کوئی کارروائی نہیں ہوئی، سردار خان چانڈیو اور برہان چانڈیو کو ان کے خلاف کوئی کارروائی نہ کرنے کی یقین دہانی کرائی گئی ہے۔