February 27, 2021

عالمی وبا ،ملک بھر میں 33 مریض جاں بحق

اسلام آباد:جدت ویب ڈیسک: پاکستان میں کورونا سے مزید 33 مریض جاں بحق ہوگئے تفصیلات کے مطابق نیشنل کمانڈ آپریشن سینٹر کی جانب سے ملک میں کورونا کے تازہ ترین اعدادوشمار جاری کردیئے، جس میں بتایا گیا ہے کہ 24 گھنٹے میں کورونا وائرس سے 33مریضوں کا انتقال ہوا، جس کے بعد اموات کی مجموعی تعداد 12 ہزار 837 ہوگئی۔جبکہ ایک ہزار 315 نئے کیسز سامنے آئے ، جس کے بعد اموات کی تعداد 12 ہزار 837 اور کورونا کے ایکٹیو کیسز کی تعداد 21 ہزار 554 ہوگئی۔نیشنل کمانڈ آپریشن سینٹر نے کہا کہ ملک بھر میں کورونا کے 5لاکھ44ہزار406مریض صحتیاب ہو چکے ہیں جبکہ کورونا کے220مریض وینٹی لیٹرپر اور 631 اسپتالوں میں کورونا کے 1989مریض زیر علاج ہیں۔اعدادو شمار کے مطابق سندھ میں 2لاکھ57ہزار730 ، پنجاب 1لاکھ70ہزار817، کیپی میں72003 ، بلوچستان میں19038 ، اسلام آباد میں 44106 کورونا کیسز سامنے آچکے ہیں جبکہ گلگت بلتستان میں4956 اور آزاد کشمیر میں کورونا کے 10147مصدقہ کیس رپورٹ ہوچکے ہیں۔این سی او سی کا کہنا تھا کہ 24 گھنٹے میں ملک بھرمیں39086کوروناٹیسٹ کیے گئے ، جس میں سے ایک ہزار 315 افراد میں کوروناکی تصدیق ہوئی ، جس کے بعد ملک میں کورونا کے ایکٹیو کیسز کی تعداد 21554 ہوگئی جبکہ ملک میں 5 لاکھ 78ہزار 797 پازیٹو کورونا کیس سامنےآ چکے ہیں۔

February 27, 2021

وزیراعظم کی کامیاب آپریشن سوئفٹ ریٹارٹ پر قوم اور مسلح افواج کو مبارکباد

اسلام آباد:: پاک افواج کے کامیاب آپریشن سوئفٹ ریٹارٹ کے دو سال مکمل ہونے پر وزیراعظم عمران خان نے قوم اور مسلح افواج کو مبارکباد دی۔ ایل او سی پر جنگ بندی معاہدے کی بحالی کا بھی خیرمقدم کیا۔آج 27 فروری کو بھارتی بزدلانہ اور ناکام حملے کے جواب میں پاک افواج کے کامیاب آپریشن سوئفٹ ریٹارٹ کے دو سال مکمل ہوگئے، اس موقع پر وزیراعظم عمران خان ٹویٹ پیغام میں قوم اور مسلح افواج کو مبارکباد دی۔
وزیراعظم نے ٹویٹ میں لکھا کہ، کہ ہم ہمیشہ امن کےلیے کھڑے ہیں اور تمام معاملات بات چیت سے حل کرنے کو تیار ہیں، پیشرفت کےلیے قابل ماحول بنانا بھارت کی ذمہ داری ہے۔

February 26, 2021

‘آپریشن سوئفٹ ریٹارٹ کو 2 برس مکمل، پاک فضائیہ نے نغمہ جاری کردیا

ویب ڈیسک ::پاک فضائیہ نے آپریشن سوئفٹ ریٹارٹ کو 2 برس مکمل ہونے پر اس میں حصہ لینے والے ہیروز کو خراج تحسین پیش کرنے کے لیے نیا ملی نغمہ جاری کردیا۔ترجمان پاک فضائیہ کے مطابق نغمہ ‘صدائے پاکستان’ ملک کے مایہ ناز گلوکار علی حمزہ نے گایا ہے جبکہ اس کے بول شہزاد نیر نے تخلیق کیے ہیں۔پاک فضائیہ کے مطابق نغمہ ‘صدائے پاکستان’ کی عکسبندی پاکستان کے معروف ہدایت کار زوہیب قاضی نے کی ہے۔ترجمان کے مطابق یہ ترانہ پاک فضائیہ کے ان سپوتوں کی جرات و بہادری کو خراجِ تحسین ہے جنہوں نے دشمن کے ساتھ 2019 میں پیش آنے والے فضائی معرکے میں بہادری کی نئی داستان رقم کی اور ملک و قوم کا وقار بلند کیا۔2 روز قبل پاک فضائیہ کی جانب سے اس نغمے کا ٹیزر جاری کیا گیا تھا جس میں حب الوطنی اس عزم کا ایک مرتبہ پھر اعادہ کیا گیا کہ پاک فضائیہ کے جوان ہر وقت پاکستان کا دفاع کرنے کے لیے تیار ہیں۔خیال رہے کہ 27 فروری 2019 کو پاک فضائیہ نے ملک کی فضائی حدود کی خلاف ورزی کرنے والے بھارتی طیاروں کو مار گرایا تھا اور ان کے پائلٹ ابھی نندن کو گرفتار کرلیا تھا۔

https://www.youtube.com/watch?v=A4n26TPlL-I

 

 

February 26, 2021

سیکیورٹی اہلکاروں کو شہید کرنے والے دہشت گرد جہنم واصل ،آئی ایس پی آر

راولپنڈی: سیکیورٹی فورسز نے جنوبی وزیرستان میں کامیاب کارروائی کرتے ہوئے پچاس سیکیورٹی اہلکاروں کو شہید کرنے والے دہشت گرد کو واصل جہنم کردیا ہے۔
آئی ایس پی آر کی جانب سے جاری بیان کے مطابق جنوبی وزیرستان کے علاقے طیارزہ میں خفیہ اطلاع پر سیکیورٹی فورسز نے اہم کارروائی کی، سیکیورٹی فورسز کی کارروائی میں دہشتگرد کمانڈر نورستان مارا گیا۔
آئی ایس پی آر کے مطابق دہشتگرد نورستان وزیرستان میں بڑی دہشتگرد کارروائیوں کا ماسٹر مائنڈ اور مارشل آرٹس کا ماہر تھا، ہلاک دہشت گرد پچاس سیکیورٹی اہلکاروں کو شہید کرنےمیں ملوث رہا۔
آئی ایس پی آر کے مطابق دہشتگرد کمانڈر نورستان دو ہزار سات میں بیت اللہ محسود گروپ میں شامل ہوا،اسی سال دہشتگرد نورستان نے شوال میں ساتھیوں کیساتھ ایف سی پوسٹ پرحملہ کیا تھا، ایف سی چیک پوسٹ حملےمیں تین سیکیورٹی اہلکار شہید ہوئے تھے۔آئی ایس پی آر کے مطابق ہلاک دہشتگرد نورستان عرف حسن بابا آئی ای ڈی کا ماہر اور ماسٹر ٹرینر تھا، نورستان کے2010میں آئی ای ڈی شکئی حملے میں 2اہلکار شہید ہوئے تھے جبکہ دہشتگرد کی جانب سے وانا میں آرمی کی ٹیم پر حملے میں 6 اہلکاروں نے جام شہادت نوش کیا تھا۔
آئی ایس پی آر کی جانب سے جاری بیان میں بتایا گیا کہ نورستان کے دو ہزار نو میں خسیرا میں آئی ای ڈی حملےمیں بارہ اہلکار شہید ہوئے تھے، کالعدم تنظیم کے دہشت گرد نے اسی سال شکئی کیمپ پر حملہ کیا تھا، جس کے نتیجے میں سات اہلکار شہید ہوئے تھے۔

February 26, 2021

امریکی طیاروں کی شام میں ایرانی ٹھکانوں پر بمباری، 17 جنگجو ہلاک

دمشق: شام میں امریکا کے جنگی طیاروں نے ایران کے ٹھکانوں پر بمباری کی جس کے نتیجے میں 17 جنگجو ہلاک اور متعدد زخمی ہوگئے۔
عالمی خبر رساں ادارے کے مطابق شام کے مشرقی علاقے دیر الزور میں امریکی فضائیہ نے ایران کی حمایت یافتہ ملیشیا کے ٹھکانوں پر بمباری کی، فضائی حملے میں ایران نواز مسلح گروہ کے 14 جنگجو ہلاک ہوگئے جب کہ متعدد زخمی ہوگئے۔ایران نے شام میں امریکی حملوں پر ردعمل نہیں دیا تاہم سابق صدر ٹرمپ کے عالمی جوہری معاہدے سے دستبردار ہو کر اقتصادی پابندی عائد کرنے سے شروع ہونے والی کشیدگی میں امریکا میں نئی حکومت آنے کے بعد بھی کمی واقع نہیں ہوئی ہے۔
شامی آبزرویٹری برائے انسانی حقوق نے امریکی فضائی حملوں میں ایرانی حمایت یافتہ ملیشیا کے 17 جنگجو ہلاک ہونے کی تصدیق کی ہے۔ عراق میں امریکی تنصیبات اوr سفارت خانے پر حملوں کے جواب میں امریکی صدر جو بائیڈن نے ان حملوں کی اجازت دی تھی۔
پینٹا گون کی جانب سے جاری بیان میں کہا گیا ہے کہ فضائی حملوں میں جنگجوؤں کے ٹھکانوں کو نشانہ بنایا گیا اور اسلحہ ڈپو تباہ کردیئے گئے۔ شام کی جانب سے امریکی فوج کی کارروائی پر کسی قسم کا تبصرہ سامنے نہیں آیا۔

February 26, 2021

پاکستان اور بھارت کا چوکیوں پر براہ راست حملہ نہ کرنے پر اتفاق ، ڈی جی آئی ایس پی آر

اسلام آباد؛ ویب ڈیسک ::امن کی جانب اہم پیشرفت، پاکستان اور بھارت سیزفائر پر عمل درآمد پر متفق ہو گئے ۔ ڈی جی آئی ایس پی آر کے مطابق دونوں ملکوں کے ڈی جی ایم اوز کا ہاٹ لائن پر رابطہ ہوا۔
ڈی جی آئی ایس پی آر میجر جنرل بابر افتخار نے 92 نیوز سے گفتگو کرتے ہوئے کہا کہ دونوں جانب کے دی جیز میں اتفاق کیا گیا کہ کنٹرول لائن کی پانچ سو میٹر کی حدود میں کوئی نئی تعمیر نہیں ہوگی۔
ڈی جی آئی ایس پی آر میجر جنرل بابر افتخار نے کہا کہ 2003 کے بعد سیز فائر کی تیرہ ہزار چھ سو ستائیس خلاف ورزیاں ہوئیں جن میں 310 شہری جاں بحق اور 1600 کے قریب زخمی ہوئے جبکہ نوے فیصد اموات 2014 سے 2021 کے دوران ہوئیں۔
ادھر وزیر خارجہ شاہ محمود قریشی نے پاک بھارت اتفاق کو بارش کا پہلا قطرہ قرار دے دیا،  بولے بھارت نے حملے نہ کرنے کی یقین دہانی کرائی ہے، یہ مثبت پیشرفت ہے، امید ہے بھارت اس پر نیک نیتی سے عملدرآمد کرےگا۔