January 5, 2018

حکومت سندھ نے خصو صی تعلیم کیلئے باقائدہ محکمہ قائم کردیا‘ کامران اختر

کراچی جدت ویب ڈیسک خصو صی تعلیم کیلئے حکومت سندھ نے باقائدہ ایک محکمہ قائم کیا ہے تاکہ معاشرے کے وہ افراد جو ذہنی و جسمانی معذوری کا شکار ہیں وہ اس تعلیم کے ذریعے صحت مند افراد کی طرح معاشرے میں وہ کام سر انجام دے سکیں جو ان کیلئے مایوسی کا سبب نہ بنے ان خیالات کا ظہار رکن سندھ اسمبلی و چیئرمین خصوصی تعلیم کامران اختر نے اراکین سندھ اسمبلی و ممبران کمیٹی برائے خصوصی تعلیم نصرت سحر عباسی اور ہیر سوہو کے ہمراہ سندھ اسمبلی کے کمرہ نمبر 1 میں اسٹینڈنگ کمیٹی کے تحقیقاتی اجلاس کی صدارت کرتے ہوئے کیا اجلاس میں محکمہ خصوصی تعلیم کے ایڈمنسٹریٹیو آفیسر اور دیگر افسران بھی موجود تھے رکن اسمبلی کامران اختر نے اجلاس میں موجود آفیسرز کو ہدایات دیتے ہوئے کہا کہ محکمے کو جاری کردہ فنڈز جو کہ اسکولوں کے ہیڈ ماسٹرز اور انچارجز کو ڈی ڈی او کے خصوصی اختیارات کے تحت جاری کیئے گئے تھے مگر ا ن فنڈز کو خصوصی تعلیم کیلئے صحیح طریقے سے استعمال نہیں کیا گیا اور ان فنڈز میں خورد برد کی گئی اور ترقی و تقرر کے نام پر بے حساب بے ظابتگیاں کی گئیں لہذا اگلے اجلاس میں تمام ڈی ڈی اوز کو اسٹینڈنگ کمیٹی کے روبرو پیش کیا جائے ۔ ایڈمنسٹریٹیو آفیسر نے چیئرمین اسٹینڈنگ کمیٹی کامران اختر اور ممبران اسٹینڈنگ کمیٹی کو یقین دلایا کہ آئندہ اجلاس میں حاضر ڈیوٹی ڈی ڈی اوز کو کمیٹی کے روبرو پیش کیا جائے گا اس طرح اجلاس آئندہ نشست کیلئے برخاست ہوا۔

January 5, 2018

پیپلزپارٹی کے رہنما شرجیل میمن کے ارمانوں پر ایک بارپانی پھرگیا‘ بڑی پریشانی کاسامنا‘مزید جانئے

کراچی جدت ویب ڈیسک سندھ ہائیکورٹ نے سابق صوبائی وزیر سندھ شرجیل میمن کی ضمانت کی درخواست پر سماعت سے انکار کردیا۔پیپلز پارٹی کے رہنما اور سابق صوبائی وزیر اطلاعات شرجیل میمن پر محکمہ اطلاعات میں 5 ارب روپے سے زائد کی کرپشن کے الزامات ہیں اور کیس میں 23 اکتوبر کو سندھ ہائیکورٹ نے ان کی ضمانت میں توسیع کی درخواست مسترد کی جس کے بعد نیب نے انہیں احاطہ عدالت سے گرفتار کیا تھا۔گزشتہ روز سپریم کورٹ نے شرجیل میمن کی ضمانت کی درخواست مسترد کی تھی جس کے بعد جمعہ کو سندھ ہائیکورٹ نے ان کی درخواست سننے سے انکار کردیا ہے۔وزیر اطلاعات شرجیل میمن کے وکیل لطیف کھوسہ نے ان کی ضمانت کےلئے سندھ ہائیکورٹ میں درخواست دائر کی جس میں موقف اپنایا گیا کہ شرجیل میمن بیمار ہیں اور جیل میں طبی سہولیات بھی نہیں۔لطیف کھوسہ کے موقف پر سندھ ہائیکورٹ کے جسٹس اقبال کلہوڑو نے استفار کیا کہ بعد از گرفتاری کی درخواست ہے اس میں اتنی کیا جلدی ہے ¾عدالت نے شرجیل میمن کو درخواست رولز کے تحت آفس میں جمع کرانے کا حکم دیتے ہوئے سماعت سے انکار کردیا۔واضح رہے کہ شرجیل میمن پیپلزپارٹی کے گزشتہ دور حکومت میں سندھ کی وزارت اطلاعات سمیت مختلف وزارتوں کے وزیر رہے۔

January 5, 2018

ویل ڈن وسیم اختر‘کراچی کے 39فیصد افراد میئر کی کارکردگی سے خوش مگرکیسے ‘ جانئے

کراچی جدت ویب ڈیسک کراچی کی شہری حکومت اور میئر کی کارکردگی پر گیلپ پاکستان کے سروے میں عوامی رائے سامنے آگئی ہے، 39 فیصد افراد میئر کراچی کی کارکردگی سے خوش جبکہ 32 فیصد ناخوش نظر آئے۔شہری حکومت کی کارکردگی پر ملا جلا رد عمل سامنے آیا،41 فیصد افراد نے شہری حکومت کی کارکردگی پر اطمینان ظاہر کیا مگر 42 فیصد افراد شہر کی حالت زار میں کوئی تبدیلی نہ لانے کا گلہ کرتے نظر آئے۔کراچی میں صفائی کے ناقص انتظامات وہ اہم مسئلہ ہے جس کا شہری مستقل بنیادوں پر حل چاہتے ہیں، اس رائے کا اظہار شہریوں نے گیلپ پاکستان کے حالیہ سروے میں کیا جس میں کراچی شہر کے شماریاتی طور پر منتخب700 سے زائد افراد نے حصہ لیا۔سروے میں عوام سے پوچھا گیا کہ آپ موجودہ شہری حکومت کی کارکردگی سے کتنے مطمئن ہیں تو 41 فیصد نے شہری حکومت سے مطمئن ہونے کا کہا، اس 41 فیصد میں سے 6 فیصد شہری حکومت کی کارکردگی سے بہت زیادہ مطمئن جبکہ 35 فیصد کسی حد تک مطمئن نظر آئے۔سروے میں 29 فیصد افراد شہر کی ضلعی حکومتوں کی کارکردگی سے غیر مطمئن تھے جبکہ 27 فیصد نہ مطمئن نہ غیر مطمئن، 3 فیصد نے اس سوال کا کوئی جواب نہیں دیا، جس کے بعد شہریوں سے یہی سوال کراچی شہر کے میئر یعنی وسیم اختر کی کارکردگی کے بارے میں کیا گیا۔اس سوال کے جواب میں سروے میں شامل 39 فیصد شہریوں نے میئر کی کارکردگی کو اطمینان بخش قرار دیا، البتہ 32 فیصد ان کی کارکردگی سے مطمئن نہ تھے، سروے میں 26 فیصد نہ مطمئن تھے نہ غیر مطمئن، 3 فیصد نے اس سوال کا کوئی جواب نہیں دیا۔سروے میں عوام سے یہ بھی سوال کیا گیا کے کیا نئی شہری حکومت کے آنے سے کراچی کے حالات بہتر ہوئے ہیں یا پہلے سے خراب ہوئےہیں؟ جواب میں سروے میں شامل 32 فیصد شہریوں نے کراچی کے حالا ت پہلے سے بہتر ہونے کا کہا جبکہ 19 فیصد کا کہنا تھا کے مزید خراب ہوئے ہیں، اس کے برعکس سروے میں 42 فیصد شہریوں کی رائے تھی کے شہر کی حالت زار میں کوئی فرق نہیں آیا، 7 فیصد نے اس سوال کا کو ئی جواب نہیں دیا۔کراچی کے شہریوں سے شہر کے اہم مسائل کے بارے میں بھی پوچھا گیا جس کے جواب میں 88 فیصد افراد نے صفائی کے ناقص انتظامات کو شہر کا اہم مسئلہ کہا، 76 فیصد نے پانی ، 74 فیصد نے توانائی کی کمی ، 52 فیصدنے تعلیم کے مسائل ، 51 فیصد نے امن و امان ، 46 فیصد نے سڑکوں کی کمی، 43 فیصد نے صحت عامہ ، جبکہ 34 فیصد نے رہائش کے مسائل کوشہر کے اہم مسائل کہا ، 1 فیصد نے دیگرمسائل کو اہم کہا۔

January 5, 2018

ذوالفقاربھٹو آج بھی عوام کے دلوں میں زندہ ہیں‘بلاول بھٹو

کراچی جدت ویب ڈیسک پاکستان پیپلز پارٹی کے چیئرمین بلاول بھٹوزرداری نے کہاہے کہ شہید ذوالفقاربھٹو آج بھی عوام کے دلوں میں زندہ ہیں، بھٹو نے جان قربان کی لیکن اپنے مشن پر سمجھوتہ نہیں کیا، قوم آج ذوالفقاربھٹوکی کمی شدت سے محسوس کر رہی ہے۔پیپلزپارٹی کے بانی چیئرمین ذوالفقار بھٹو کے90 ویں یوم پیدائش کے موقع پر پر چیئرمین پیپلزپارٹی بلاول بھٹوزرداری نے اپنے پیغام میں انہیں خراج عقیدت پیش کرتے ہوئے کہا کہ شہیدذوالفقاربھٹو آج بھی عوام کے دلوں میں زندہ ہیں، شہیدذوالفقاربھٹو کو عوام ہمیشہ بطورہیرو یاد کرتے رہیں گے۔انہوں نے کہاکہ قائد عوام آمریتوں کے خلاف عوامی حقوق کے لیے بہادری سے لڑے، بھٹونے جان قربان کی لیکن اپنے مشن پر سمجھوتہ نہیں کیا، مخالفین بھی بھٹوکی بہادری،قوم سے ان کی محبت کے معترف ہیں۔پیپلز پارٹی کے چیئرمین نے کہا کہ قوم آج ذوالفقاربھٹوکی کمی شدت سے محسوس کر رہی ہے، پیپلز پارٹی قائدِعوام کے مشن اور ویژن کی پیروی کرتی رہے گی موجودہ حالات میں قائدعوام ذوالفقاربھٹو جیسے لیڈر کی ضرورت ہے۔انہوں نے کہاکہ شہید بھٹو نے ٹوٹے پھوٹے ملک کو اپنے پائوں پر کھڑا کیا، دشمن سے93ہزارجنگی قیدی،5ہزاراسکوائرمیل زمین چھڑائی، بھٹو نے حق رائے دہندگی، پاسپورٹ کا اجرا جیسے اقدامات کیے، کمزور طبقات کو تقویت دینا شہید بھٹو کاطرہ امتیاز ہے۔

January 5, 2018

کراچی میں آپریشن ،کالعدم تنظیم کے16دہشت گردگرفتار

کراچی جدت ویب ڈیسک پاکستان رینجرزسندھ اورکائونٹر ٹیررازم ڈپارٹمنٹ نے سہراب گوٹھ میں مشترکہ کارروائی کرتے ہوئے کالعدم تحریک طالبان پاکستان کے 16 دہشت گردوں کو گرفتار کر لیا ہے،ملزمان کے قبضے سے اسلحہ، گولہ بارود اور دیگر سامان بھی برآمد ہوا ہے۔ترجمان رینجرزسندھ کے مطابق کراچی کے علاقے سہراب گوٹھ اور مومن آباد میں رینجرز اور سی ٹی ڈی نے مشترکہ کارروائی کرتے ہوئے 16 مبینہ دہشت گردوں کو گرفتار کرلیا ہے۔ترجمان رینجرز کے مطابق کائونٹر ٹیررازم ڈپارٹمنٹ اور رینجرز نے 2 روز قبل بلدیہ قائم خانی کالونی میں مقابلے کے دوران فرار ہونے والے ملزمان کی سپر ہائی وے گنا منڈی کے قریب موجودگی کی اطلاع پر سرچ آپریشن کیا۔ ارد گرد گھیرا تنگ ہوتا دیکھ کر ملزمان نے چھاپہ مار ٹیم پر فائرنگ شرع کر دی تا ہم فائرنگ کے تبادلے کے بعد رینجرز اور سی ٹی ڈی نے کالعدم تحریک طالبان پاکستان سے تعلق رکھنے والے 16 دہشت گردوں کو گرفتار کر لیا۔تمام دہشت گردوں کا تعلق کالعدم تحریک طالبان پاکستان سے ہے،ملزمان کے قبضے سے اسلحہ، گولہ بارود، بلاک بم اور دیگر سامان بھی برآمد کیا گیا ہے۔ترجمان رینجرزکے مطابق ملزمان استاد اسلم گروپ کے لئے کام کرتے ہیں، گرفتار دہشت گردوں کی شناخت رفیع اللہ عارف عرف قاری،عبدالماجد عرف مفتی،محمد یونس عرف انس عرف یوسف سلیم،محمد رزاق عرف شل داد ا، شمس الہدا عرف مولوی،عمر خالق عرف حسین، محمد جنید عرف عبدالمنان، جنید احمد،خان بہادر،عبدالغفار عرف ابو ہریرا،محمد زین العابدین عرف صدیقی عرف سیف اللہ،سیف اللہ عرف سیفو، محمد آصف عرف ڈاکٹرعرف لنگڑا، ثنا اللہ عرف ثنا، عبدالعزیز عرف کامران اور عمر علی زرگر کے ناموں سے کی گئی ہے ، جنہیں سی ٹی ڈی کے حوالے کردیا گیا ہے۔

January 5, 2018

سوشل میڈیا پر پاکستان شوبزانڈسٹری سے تعلق رکھنے والےفنکاروں، اداکاروں کا زبیدہ آپا کے انتقال پراظہارافسوس

کراچی: ماہر امورخانہ داری زبیدہ طارق المعروف زبیدہ آپا گزشتہ روز کراچی میں حرکت قلب بند ہونے کے باعث انتقال کرگئیں۔سوشل میڈیا پر پاکستان شوبزانڈسٹری سے تعلق رکھنے والے معروف اداکاروں نے زبیدہ آپا کے انتقال پراظہار افسوس کرتے ہوئے مرحومہ کے بلند درجات اور لواحقین کے صبر جمیل کے لئےدعا کی، زبیدہ آپا کے انتقال کے بعد فلم اور ٹی وی کے شعبے سے تعلق رکھنے والے اداکاروں کے علاوہ زندگی کے مختلف شعبوں سے تعلق رکھنے والے افراد کی جانب سے تعزیت کا سلسلہ جاری ہے۔نامور اداکارومیزبان فہد مصطفی نے بھی ٹوئٹر پر زبیدہ آپا کے انتقال پر گہرے افسوس کا اظہار کرتے ہوئے کہا کہ خدا انہیں جنت میں اعلیٰ مقام عطاکرے۔معروف پاکستانی اداکارہ ماورہ حسین نے زبیدہ آپا کی خصوصیات بیان کرتے ہوئے کہا کہ ہم آپ کی خوبصورت ساڑھیاں، آپ کے مصالحے اور آپ کے ٹوٹکے کبھی نہیں بھولیں گے۔ خدا آپ کی مغفرت کرے۔اداکارہ ماہرہ خان نے بھی زبیدہ آپا کے انتقال پر اظہار افسوس کرتے ہوئے ٹوئٹ کیا ہے کہ وہ انہیں بچپن سے جانتی تھیں، وہ ہمارے دلوں میں بستی تھیں۔فخر عالم نے بھی ٹوئٹر پرگہرے دکھ کا اظہار کرتے ہوئے کہا کہ زبیدہ آپا ہماری ماں جیسی تھیں وہ ہمیں بہت یاد آئیں گی۔پاکستان کی نامور مصنفہ حسینہ معین نے اپنے فیس بک پیج پر زبیدہ آپا کی تصویر شیئر کی اورلکھا زبیدہ طارق (آپا) ایک نام ایک عہد اب بس ایک یادباقی ہےناموراداکار عدنان صدیقی نے بھی زبیدہ آپا کے انتقال پر گہرے دکھ کا اظہار کرتے ہوئے کہا زبیدہ طارق کی نماز جنازہ آج بعد نماز جمعہ مسجد عائشہ میں ادا کی جائے گی۔معروف میزبان شائستہ لودھی نے بھی زبیدہ آپا کے انتقال پر دکھ کا اظہار کرتے ہوئے کہا آپ کی رحم دلی، حاضر دماغی اور سادگی ہمیشہ یاد آئے گی، خدا آپ کو مغفرت دے اور جنت میں اعلیٰ مقام عطا کرے آمین۔نامور اداکارہ مایا علی کا کہنا تھا ’لوگ چلے جاتے ہیں بس یادیں رہ جاتی ہیں‘۔ اللہ انہیں جنت میں اعلیٰ مقام عطا کرے۔

January 5, 2018

افسوسناک خبر،آج کے بعد ٹوٹکے نہیں ملیں گے ،زبیدہ آپا انتقال کرگئیں

کراچی جدت ویب ڈیسک آج کے بعد ٹوٹکے نہیں ملیں گے ،معروف ٹی وی میزبان اور ماہی امور خانہ داری زبیدہ طارق عرف زبدیدہ آپا انتقال کرگئیں، زبیدہ طارق کو ہارٹ اٹیک ہوا، اسپتال لے جایا گیا تاہم وہ جانبر نہ ہوسکیں۔ ان کے بھائی انور مقصود نے جدت سے بات چیت  کرتے ہوئے کہا کہ میرے لئے شاکنگ نیوز ہے اللہ تعالیٰ زبیدہ آپ کی مغفرت کرے۔

زبیدہ طارق معروف ادبی و سماجی گھرانے سے تعلق رکھتی تھیں، طبیعت خراب ہونے پر اسپتال لے جایا گیا تاہم وہ  جانبر نہ ہوسکیں۔مرحومہ کی نماز جنازہ آج بعد نماز جمعہ ڈیفنس فیز فائیو کی سلطان مسجد میں ادا کی جائیگی۔خاندانی ذرائع کا کہنا ہے کہ معروف شیف زبیدہ طارق گزشتہ کچھ عرصہ سے علیل تھیں۔زبیدہ طارق کے بھائی انور مقصود نے جدت سے گفتگو کرتے کرتے ہوئے زبیدہ طارق کے انتقال کرنے کی تصدیق کرتے ہوئے کہا ہے کہ زبیدہ آپا انتقال حرکت قلب بند ہونے سے ہوا۔