شادیوں پر سونے کی جیولری خواتین کی پہنچ سے دور۔ سونے کی قیمتیں آسمان پر پہنچ گئیں

June 25, 2019 7:34 pm

جدت ویب ڈیسک ::کراچی / اسلام آباد: عالمی مارکیٹ میں قیمتیں تھمنے کا نام نہیں لے رہیں جس کی وجہ سے سونے کی قیمتیں ملکی تاریخ کی بلند ترین سطح پر پہنچ گئیں۔
تفصیلات کے مطابق عالمی بلین مارکیٹ میں ٹریڈنگ کے دوران سونے کی قیمت میں فی اونس 20 ڈالرز کا اضافہ ہوا جس کے مقامی صرافہ بازاروں پر بھی منفی اثرات نظر آئے۔ بلین مارکیٹ میں سونا 20 ڈالراضافے کے بعد 1328 فی اونس تک پہنچا۔
عالمی مارکیٹ میں اضافے کے بعد سونے کی قیمت میں ریکارڈ اضافہ ہوا، فی تولہ قیمت میں 1150 جبکہ 10 گرام کے ریٹ 986 روپے بڑھ گئے۔
جیولیرز ایسوسی ایشن کے چیئرمین محمد ارشد کے مطابق مقامی صرافہ بازاروں میں سونے کی فی تولہ اور 10 گرام قیمت بالترتیب 80 ہزار 500 اور 69 ہزار 15 روپے تک پہنچ گئیں۔
بتاریخ : 25 جون 2019 کے ریٹ
فی تولہ /80,500 روپے
دس گرام /69,015 روپے
حالیہ اضافے کے بعد سونے کی قیمتیں ملکی تاریخ کی بلند ترین سطح پر پہنچ گئیں۔ کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین نئے ریٹ کے ساتھ ہوئی۔

متعلقہ خبریں