کامن ویلتھ بزنس فورم میں 53 رکن ممالک کے سربراہان کی شرکت، پاکستانی وفد کی قیادت وزیر اعظم شاہد خاقان عباسی کریں گے

April 16, 2018 8:17 pm

لندن: جدت ویب ڈیسک ::تفصیلات کے مطابق کامن ویلتھ بزنس فورم میں چار فورمز اہم ہیں، جن میں بزنس، عوام، یوتھ اور ویمنز فورم شامل ہیں، وزیر اعظم شاہد خاقان عباسی کی قیادت میں پاکستان کا اہم وفد اجلاس میں شرکت کرے گا، وفد میں وزیر خارجہ خواجہ آصف، وزیر داخلہ احسن اقبال، وزیر تجارت پرویز ملک اور دیگر شامل ہیں۔دوسری جانب کامن ویلتھ بزنس فورم میں بھارتی وزیر اعظم نریندر مودی کی برطانیہ آمد کے خلاف کشمیری احتجاجی مظاہرہ کریں گے جبکہ بھارت میں نسلی، اقلیتوں سے ناروا سلوک کے خلاف بس کمپین بھی جاری ہےبرطانوی وزیر اعظم تھریسامے نے کامن ویلتھ بزنس فورم سے خطاب کرتے ہوئے کہا کہ کامن ویلتھ ممالک میں تجارتی تعلقات مضبوط کرنے کی ضرورت ہے۔پرنس ہیری اور سیکریٹری جنرل بیرونس پیٹرشیا اسکاٹ لینڈ نے بھی فورم سے خطاب کیا، پرنس ہیری نے کہا کہ نوجوان دنیا کو درپیش چیلنجز کا بہتر طو رپر مقابلہ کرسکتے ہیں، شہزادہ ہیری کو ملکہ برطانیہ نے کامن ویلتھ ممالک کا یوتھ ایمبیسڈر مقرر کردیا، کامن ویلتھ کے غریب ممالک کے 150 ذہین طلباء کے لیے اسکالر شپ کا اعلان بھی کیا گیا۔برطانوی وزیر اعظم تھریسامنے نے نوجوانوں میں بیروزگاری کے خاتمے کے لیے متعدد منصوبوں کے اعلان کے ساتھ ہی خواتین کی بزنس میں ترقی کے منصوبوں کا بھی اعلان کیا۔

متعلقہ خبریں