مزید 1920 افراد میں کورونا کی تشخیص، 46 مریض جاں بحق

Coronavirus Pakistan Karachi
January 18, 2021 12:36 pm

اسلام آباد: جدت ویب ڈیسک :ملک میں گزشتہ 24 گھنٹوں کے دوران کورونا کے مزید ایک ہزار 920 نئے کیسز سامنے آئے ہیں جب کہ 46 افراد انتقال کرگئے۔ نیشنل کمانڈ اینڈ کنٹرول سینٹر کی جانب سے اجری کردہ اعداد و شمار کے مطابق گزشتہ 24 گھنٹوں کے دوران ملک بھر میں کوویڈ 19 کے 37 ہزار 949 ٹیسٹ کئے گئے، اس طرح اب تک ملک میں کورونا کی تشخیص کے لئے کئے گئے ٹیسٹس کی تعداد 74 لاکھ 5 ہزار 571 ہوگئی ہے۔نیشنل کمانڈ اینڈ کنٹرول سینٹر کے مطابق 24 گھنٹوں میں کورونا کے ایک ہزار 920 نئے کیسز سامنے آئے ہیں، جس کے بعد ملک میں کورونا کے مصدقہ مریضوں کی تعداد 5 لاکھ 21 ہزار 211 تک پہنچ گئی ہے۔این سی او سی کے اعداد و شمار کے مطابق سندھ میں سیگر صوبوں کے مقابلے میں کورونا کے سب سے زیادہ مصدقہ سندھ میں 2 لاکھ 35 ہزار 576 مریض ہیں، پنجاب میں ایک لاکھ 49 ہزار 782، خیبر پختونخوا میں 63 ہزار 615، بلوچستان میں 18 ہزار 612، اسلام آباد میں 40 ہزار 111، آزاد کشمیر میں 8 ہزار 631 جب کہ گلگت بلتستان میں کورونا کیسز کی تعداد 4 ہزار 884 ہے۔

متعلقہ خبریں