لیڈی ڈیانا کیلئے بڑا اعزاز ، موت کے بعد بھی سب کو پیچھے چھوڑ گئیں

October 13, 2020 4:38 pm

لندن:ویب ڈیسک : : لاکھوں دلوں کی دھڑکن لیڈی ڈیانا نے سب کو پیچھے چھوڑ دیا، خوبصورتی ناپنے والے قدیم یونانی فورمولے نے شہزادی ڈیانا کو شاہی خاندان کی پرکشش اور حسین ترین شخصیت قرار دے دیا۔خیال رہے ڈیانا کی عالمی سطح پر مقبولیت کا بڑا سبب ان کی خوبصورت شخصیت تھی، ان کی مقبولیت کا اندازہ اس بات سے لگایا جاسکتا ہے کہ دنیا میں سب سے زیادہ تصاویر لیڈی ڈیانا کی کھینچی گئیں۔
تفصیلات کے مطابق برطانوی شہزادی لیڈی ڈیانا کو دنیا سے رخصت ہوئے تئیس برس گزر گئے لیکن پرنسز آف ویلیز کی شخصیت کا سحر آج بھی برقرار ہے، خوبصورتی ناپنے والے قدیم گولڈن ریشو فارمولے نے لیڈی ڈیانا کو دنیا بھر کے شاہی خاندانوں کی خوبصورت ترین خاتون قرار دے دیا۔
فارمولے کے مطابق پرنسز ڈیانا کی آنکھیں ، ناک اور پلکوں نے ان کی خوبصورتی کو چار چاند لگائے، ڈیانا کا اسکور نواسی صفر عشاریہ پانچ فیصد رہا۔فہرست میں 88.9 فیصد کے ساتھ اردن کی ملکہ رانیا دوسرے اور موناکو کی سابق شہزادی گریس کیلی 88.8 فیصد کے ساتھ تیسرے نمبر پر ہیں۔
میگہن مرکل کا اسکور 87.4 فیصد کے ساتھ چوتھا اور ڈچز آف کیمبرڈج کیٹ میڈلٹن کا 86.8 فیصد کے ساتھ پانچواں نمبر ہے۔

متعلقہ خبریں