چین کے ہاتھوں ہزیمت اٹھانے کے بعد بھارتی اپنے ہوش کھو بیٹھےجہاں سے خطرہ ہوگا وہاں میدان جنگ بنادیں گے، بھارت کی گیدڑ بھبکیاں

October 26, 2020 3:11 pm

نئی دہلی: چین کے ہاتھوں ہزیمت اٹھانے کے بعد بھارتی اپنے ہوش کھو بیٹھے اب بھارت جانب سے گیدڑ بھبکیاں جاری ہیں بھارت نے دوبارہ خطے کا امن تباہ کرنے کیلئے دھمکیاں دینا شروع کر دی۔یہ پہلی مرتبہ نہیں جب بھارت نے خطے میں کشیدگی اور تناؤ پیدا کرنے کی کوشش کی ہو۔ حال ہی میں لداخ کی سرحدوں پر بھی جارحیت کا مظاہرہ کرتے ہوئے چین کے ساتھ جھڑپ کی جس پر منہ کی کھانی پڑی تھی
عالمی خبر رساں ادارے کے مطابق بھارتی نیشنل سیکیورٹی ایڈوائزر اجیت دوول نے ’نیا انڈیا‘ کے عنوان سے کانفرنس میں اپنے جنگی عزائم کا اظہار کرتے ہوئے کہا کہ اپنی زمین کے ساتھ ساتھ غیر ملکی زمین پر بھی جاکر لڑیں گے۔
اجیت دوول نے مزید کہا کہ غیرملکی سرزمین سیکیورٹی خطرات کا باعث ہے، بھارت پہل نہ کرنے کے ماضی کے نظریئے میں تبدیلی کر رہا ہے اور نیو انڈیا ڈاکٹرائن کے تحت جہاں سے خطرہ ہوگا وہاں میدان جنگ بنادیں گے۔دوسری جانب کورونا وبا سے ہلاکتوں اور متاثرین کی تعداد کے لحاظ بھارت دنیا کا دوسرا بڑا ملک بن گیا ہے لیکن اس کے باوجود نئے میزائل کے تجربات اور جنگی ساز و سامان کی خریداری جاری ہے۔

متعلقہ خبریں