برمنگھم کی فیکڑی میں خوفناک آتشزدگی نے ٹاہزلے میں واقع فیکڑی کو اپنی لپیٹ میں لےلیا

August 11, 2020 2:42 am

برمنگھم : خوفناک آتشزدگی نے ٹاہزلے میں واقع فیکڑی کو اپنی لپیٹ میں لےلیا، آگ اتنی شدید ہے کہ دیگر علاقوں سے بھی شعلے بلند ہوتے دیکھے جاسکتے ہیں۔
تفصیلات کے مطابق برطانیہ کے شہر برمنگھم کے علاقے ٹاہزلے میں واقع فیکڑی میں آگ لگنے کا واقعہ پیش آیا ہے، فیکڑی میں ہونے والی آتشزدگی پر قابو پانے میں فائر بریگیڈ کے 45 اہلکار مصروف عمل ہیں تاہم ابھی تک آگ پر قابو نہیں پایا جاسکا ہے۔
برطانوی میڈیا کا کہنا ہے کہ آتشزدگی اس قدر شدید ہوئی ہے کہ آگ کے فضا میں بلند ہونے شعلے برمنگھم کے دیگر علاقوں سے بھی دیکھے جاسکتے ہیں۔
برطانوی خبر رساں ادارے کی رپورٹ کے مطابق فیکڑی میں بھڑکنے والی آگ کے باعث تاحال کسی کے زخمی ہونے کی اطلاعات موصول نہیں ہوئیں ہیں۔
ویسٹ میڈ لینڈ فائر سروس کی جانب سے عوام کی حفاظت کی خاطر جاری اعلامیے میں کہا گیا ہے کہ شہری متاثرہ علاقے سے دور رہیں اور عوام اپنے گھروں کے کھڑکیاں دروازے بند رکھیں تاکہ دھواں گھروں میں نہ داخل ہوسکے۔
برطانوی حکام کا کہنا ہے کہ فیکڑی میں ہونے والی خوفناک آتشزدگی کی وجہ تاحال معلوم نہیں ہوسکی ہے لیکن آگ بجھنے کے بعد وجوہات کا پتہ چلالیا جائے گا۔

Live updates - severe fire at Tyseley Industrial Estate as smoke ...

Huge Birmingham fire at Tyseley Industrial Estate as residents ...

متعلقہ خبریں