لبنانی حکومت بیروت دھماکوں کی گونج اور مظاہرین کا دباؤ برداشت نہ کر سکی۔ لبنان کے وزیراعظم حسان دیاب نے عہدے سے استعفیٰ دے دیا

August 11, 2020 2:26 am

بیروت : ویب ڈیسک  ::لبنانی حکومت بیروت دھماکوں کی گونج اور مظاہرین کا دباؤ برداشت نہ کر سکی۔ لبنان کے وزیراعظم حسان دیاب نے عہدے سے استعفیٰ دے دیا۔

لبنان کے وزیراعظم حسن دیب نے کابینہ کے مستعفی ہونے کے بعد عہدے سے استعفیٰ دے دیا۔
تفصیلات کے مطابق بیروت دھماکوں اور حکومت کے خلاف وسیع پیمانے پر عوامی احتجاج کے بعد لبنان کے وزیراعظم حسن دیب نے استعفیٰ دے دیا۔بیروت دھماکوں پر لبنانی کابینہ کچھ دیر پہلے ہی مستعفی ہوچکی ہے۔

غیر ملکی خبر رساں ادارے کے مطابق لبنان کے وزیر صحت حسن حماد نے تصدیق کی ہے کہ وزیراعظم حسن دیب کی کابینہ مستعفی ہوچکی ہے اور توقع ہے بہت جلد وزیراعظم صدارتی محل جا کر استعفیٰ پیش کر دیں گے۔

وزیراعظم نے اپنے خطاب میں کہا کہ کرپشن کی جڑیں ریاستی نظام سےزیادہ مضبوط ہیں اور سیاسی طبقوں نےملک کوقرضوں کےبوجھ تلےدبادیاہے ، بیروت بندرگاہ میں ہونے والے دھماکے کرپشن کانتیجہ تھے۔

متعلقہ خبریں