گزشتہ چوبیس گھنٹوں کے دوران ملک میں صرف 6 اموات رپورٹ ,کرونا کیسز اور اموات میں بتدریج کمی کا سلسلہ جاری

August 2, 2020 10:52 am

اسلام آباد:ویب ڈیسک :: ملک میں یومیہ رپورٹ ہونے والے کرونا کیسز اور اموات میں بتدریج کمی کا سلسلہ جاری ہے، گزشتہ چوبیس گھنٹوں کے دوران ملک میں صرف 6 اموات رپورٹ ہوئی ہیں۔

نیشنل کمانڈ اینڈ آپریشن سینٹر کے مطابق کرونا وائرس انفیکشن سے ملک میں گزشتہ 24 گھنٹوں میں چھ مریض جاں بحق ہو گئے ہیں، جس کے بعد کرونا وائرس سے جاں بحق ہونے والوں کی تعداد 5976 ہو گئی ہے۔

این سی او سی کے اپ ڈیٹ کے مطابق 24 گھنٹوں میں ملک میں 14003 ٹیسٹ کیے گئے، مجموعی طور پر کرونا کے 20 لاکھ 10 ہزار 170 ٹیسٹ ہو چکے ہیں، چوبیس گھنٹوں میں 553 نئے کرونا کیسز سامنے آئے، اب تک کرونا کے 2 لاکھ 48 ہزار 577 مریض صحت یاب ہو چکے ہیں۔

ملک میں کرونا کے لیے مختص 1859 وینٹی لیٹرز میں سے 225 پر مریض موجود ہیں، ملک میں کرونا کے فعال کیسز کی تعداد 25146 ہے، ملک بھر کے 735 اسپتالوں میں 1 ہزار 618 مریض زیر علاج ہیں۔

اس سے ایک دن قبل ملک میں 24 گھنٹوں کے دوران کرونا کے 841 نئے کیسز سامنے آئے تھے اور 19 اموات ہوئی تھیں۔Coronavirus: Video shows heavy lung damage to US man aged 59 ...

 

 

متعلقہ خبریں