دہشت گردی کیخلاف پاکستانی اقدام کی حمایت ،پاکستان اسٹاک ایکسچینج پر حملہ ، چین کا بڑا بیان سامنے آگیا

June 29, 2020 9:29 pm

بیجنگ :جدت ویب ڈیسک :: چین نے کراچی میں پاکستان اسٹاک ایکسچینج پرحملے کی مذمت کرتے ہوئے کہا دہشت گردی کیخلاف پاکستانی اقدام کی حمایت کرتے رہیں گے۔

تفصیلات کے مطابق چینی وزارت خارجہ کے ترجمان کی جانب سے بیان میں کہا گیا کراچی میں پاکستان اسٹاک ایکسچینج پرحملے سمیت ہر قسم کے دہشت گردی کے حملے کی مذمت کرتے ہیں ، دہشت گردی کیخلاف پاکستانی اقدام کی حمایت کرتے رہیں گے۔

ترجمان چینی وزارت خارجہ نے پاکستان اسٹاک ایکسچینج حملے میں جاں بحق افراد کے لواحقین کیساتھ اظہار تعزیت بھی کیا۔

یاد رہے کراچی میں پاکستان اسٹاک ایکسچینج پردہشت گردوں کاحملہ ناکام بنا دیا گیا تھا، جس کے نتیجے میں چاردہشت گرد مارے گئے جبکہ حملہ آوروں سے مقابلے میں سب انسپکٹر اورتین سیکیورٹی گارڈزشہید ہوئے۔

ہلاک دہشتگردوں کےقبضے سے بڑی تعداد میں اسلحہ بھی برآمد ہوا جبکہ برطانوی نشریاتی ادارے کے مطابق بی بی سی کے مطابق کالعدم تنظیم بی ایل اے نے حملے کی ذمہ داری قبول کرلی ہے۔

بعد ازاں ڈی جی رینجرزمیجرجنرل عمراحمدبخاری نے کہا آٹھ منٹ میں چاردہشت گردوں کوہلاک کیا، دو دہشت گردوں کواسٹاک ایکسچینج کے گیٹ پرمارگرایا، دہشت گردوں کےپاس کھانے کاسامان بھی تھا، را کی فرسٹریشن سب کے سامنے ہے، حملہ انٹیلی جینس کی ناکامی نہیں۔

متعلقہ خبریں