مہنگائی کے ستائے عوام پر ایک اور وار، روٹی 10 کی نان 15 روپے کا ہو گیا

karachi Roti
June 6, 2020 1:54 pm

لاہور:جدت ویب ڈیسک :کورونا وبا میں عوام پر مہنگائی کی بمباری جاری ہے۔ روٹی 10 روپے جبکہ نان کی قیمت 15 روپے کر دی گئی۔ متحدہ نان روٹی ایسوسی ایشن نے اجلاس کرکے ازخود قیمت بڑھانے کا اعلان کردیا۔ وزیراعلی پنجاب کا کہنا ہے کہ قیمت میں اضافہ قابل قبول نہیں، انتظامیہ کارروائی کرے۔ متحدہ نان روٹی ایسوسی ایشن نے اجلاس کرکے از خود قیمتیں بڑھا دی ہیں۔ نان اور روٹی کی نئی قیمتوں کا اطلاق 10 جون سے کیا جائے گا۔ صدر متحدہ نان بائی ایسوسی ایشن آفتاب گل کا اس بارے اعلان کرتے ہوئے کہنا تھا کہ گندم کی قیمت 14 سو روپے من سے بڑھ کر 1700 روپے، 20 کلوگرام آٹے کے تھیلے کی قیمت 805 روپے سے بڑھا کر 925 روپے کر دی گئی ہے۔ انہوں نے بتایا کہ فائن میدے کا تھیلا بھی 3900 روپے سے بڑھا کر 4500 روپے کر دیا گیا ہے۔ ان تمام قیمتوں کے اضافہ کے پیش نظر روٹی اور نان سستا فروخت نہیں کر سکتے۔

متعلقہ خبریں