ترک صدرکا پاکستان سے تجارتی حجم کو5 ارب ڈالر تک لے جانے کا اعلان۔طیب اردوان پاکستان میں الیکشن لڑیں تو جیت جائیں گے، وزیراعظم عمران خان

February 14, 2020 5:06 pm

اسلام آباد : ترک صدر رجب طیب اردوان نے پاکستان سے تجارتی حجم کو 5 ارب ڈالر تک لے جانے کا اعلان کرتے ہوئے کہا پاکستان کی ہر ممکن مدد کےلئے تیار ہیں ، میں اور عمران خان اکنامک اسٹریٹجی فریم ورک کا تاریخی معاہدہ کرنےجارہےہیں۔
تفصیلات کے مطابق ترک صدر رجب طیب اردوان نے پاک ترک بزنس فورم سے خطاب کرتے ہوئے کہ پاکستان کو اپنا دوسرا گھر سمجھتا ہوں ، پاکستان کےعوام سے ہمیشہ بہترین مہمان نوازی،محبت ملتی ہے اور یہاں آکر بےحد خوشی محسوس کرتا ہوں، آج پاکستانی پارلیمنٹرینز سے خطاب کرنے کا موقع ملا ۔
ترک صدر کا کہنا تھا کہ پاکستان کیساتھ مختلف سطح پر تعلقات کو فروغ دے رہےہیں اور تجارت سمیت دیگر امور پر تعلقات کو آگے بڑھا رہےہیں، دونوں ممالک کااعلیٰ تذویراتی تعاون کونسل کااجلاس آج ہوگا۔
رجب طیب اردوان نے اعلان کیا کہ پاکستان کیساتھ تجارتی حجم کو 5ارب ڈالر تک لےجائیں گے، مضبوط سیاسی اور تجارتی روابط کا دونوں ممالک کو فائدہ ہونا چاہیے، پاکستان اور ترکی کا تجارتی حجم تعاون اپنی صلاحیت سے کہیں کم ہے.
ان کا کہنا تھا کہ سرمایہ کاری کی کوئی قومیت نہیں ہوتی ، ہم سرمایہ کاری کرنیوالی غیرملکی اور ترکش کمپنیوں میں فرق نہیں کرتے، ہم نے سیاحت میں 35 بلین ڈالرز تک اپنا ریونیو بڑھایا ، معاشی اورتجارتی حملوں کے باوجود ترکی استحکام کی جانب گامزن ہے، ترکش ایئر لائنزکو 126ممالک تک رسائی ہے۔
ترک صدر نے کہا پاکستان کی ہر ممکن مدد کےلئے تیار ہیں، ہم جانتے ہیں پاکستان میں آگے بڑھنےکی صلاحیت موجود ہے، اعلیٰ سطح پر دوروں سے تعاون کے نئے امکانات سامنے آتے ہیں، ترک تاجروں کو سی پیک پر بریفنگ دینےکی ضرورت ہے ، ترک سرمایہ کاروں کی سی پیک سےآگاہی کیلئے ہم مدد کو تیار ہیں۔
رجب طیب اردوان کا کہنا تھا کہ ترکی صحت کےشعبے میں مغرب کے کئی ممالک سے بہت آگےہے، پاکستان کیساتھ دفاعی شعبے میں تعاون مزید مضبوط ہو رہا ہے اور ٹرانسپورٹیشن ،صحت ، توانائی، تعلیم پرتعاون کررہےہیں۔
انھوں نے مزید کہا کہ میں اور عمران خان اکنامک اسٹریٹجی فریم ورک کا تاریخی معاہدہ کرنے جارہے ہیں، ترک سرمایہ کار پاکستان کےبنیادی ڈھانچے کے شعبے میں سرمایہ کاری پر دلچسپی رکھتے ہیں، ہیلتھ کیئر کیلئے دنیا ترکی کا رخ کرتی ہے، ترکی نے جدید اسپتال تعمیر کئے ہیں ، ہیلتھ کیئر کیلئے پاکستانی عوام ترکی آسکتے ہیں۔
وزیراعظم عمران خان کا کہنا ہے کہ طیب اردوان بہت مشہورہیں، پاکستان میں الیکشن لڑیں تو جیت جائیں گے، پہلی بارہے پارلیمنٹ میں اپوزیشن نےبھی طیب اردوان کو بھرپور داد دی۔
تفصیلات کے مطابق وزیراعظم عمران خان نے پاکستان ترکی بزنس فورم کے اجلاس سے خطاب کرتے ہوئے کہا طیب اردوان بہت مشہورہیں، پارلیمنٹ میں جیسے استقبال ہوا اگر اردوان پاکستان میں اگلا الیکشن لڑیں توجیت جائیں گے، پارلیمنٹ میں اردوان کیلئے حکومت اور اپوزیشن نے بھی ڈیسک بجائے، پہلی بارہے پارلیمنٹ میں اپوزیشن نے بھی ان کو بھرپور داد دی۔
وزیراعظم کا کہنا تھا کہ ترک تاجر برادری کیلئے پاکستان میں سرمایہ کاری کے کئی مواقع ہیں ، پاکستان میں ترک تاجربرادری کو ویلکم کرتا ہوں ، پاکستان میں سیاحت ، تجارت کے بہترین اور قدرتی مائننگ کے وسیع مواقع موجود ہیں۔
عمران خان نے کہا سیاحت کےشعبےمیں ترکی کےتجربےاسےاستفادہ اٹھاسکتےہیں، پاکستان میں سیاحت کے شعبے میں بے پناہ مواقع ہیں، ترکی میں سیاحت کا شعبہ مضبوط بنیادوں پر استوار ہے، آئی ٹی شعبے میں بھی ترکی کے تجربات سے فائدہ اٹھا سکتے ہیں۔
ان کا مزید کہنا تھا کہ حکومت ترک سرمایہ کاروں کو ہر ممکن سہولت فراہم کرےگی، موجودہ حکومت ملکی تاریخ کی زیادہ کاروبار دوست حکومت ہے۔

 

https://twitter.com/i/status/1228285462659436544

Pak-Turk Business Forum underway in Islamabad

Pak-Turk Business Forum underway in Islamabad

Posted by Imran Khan (official) on Friday, February 14, 2020

متعلقہ خبریں