عوام کے لیے اچھی خبر آگئی، بجلی کی قیمتوں میں اضافے کو مؤخر کردیا گیا۔

February 11, 2020 6:14 pm

اسلام آباد: ویب ڈیسک :: بجلی کی قیمتوں کے حوالے سے عوام کے لیے اچھی خبر آگئی، بجلی کی قیمتوں میں اضافے کو مؤخر کردیا گیا۔
تفصیلات کے مطابق نیشنل الیکٹرک پاور ریگولیٹری اتھارٹی (نیپرا) کے چیئرمین کی زیر صدارت ماہانہ فیول ایڈجسمنٹ کی درخواست پر سماعت ہوئی۔
چیئرمین نے کہا کہ سی پی پی اے حکام بجلی کی قیمتوں میں اضافے کی وجوہات بتائیں، تاہم سی پی پی اے کوئی واضھ جواز نہ دے سکی۔
نیپرا نے فیول ایڈجسمنٹ کی مد میں بجلی کی قیمت میں اضافے کو مؤخر کردیا۔
اس سے قبل دسمبر میں نیپرا نے فیول پرائس ایڈجسٹمنٹ کی مد میں کے الیکٹرک کے صارفین کے لیے فی یونٹ بجلی ایک روپے 40 پیسے مہنگی کی تھی۔
نیپرا کی جانب سے کے الیکٹرک کی 36 ماہ کی فیول پرائس ایڈجسٹمنٹ کا فیصلہ جاری کیا گیا تھا، کے الیکٹرک صارفین سے 9 ماہ میں وصولی کرے گا۔
نیپرا کے مطابق فیول پرائس ایڈجسٹمنٹ سے صارفین پر 18 ارب روپے کا بوجھ منتقل ہوا، ماہانہ 50 یونٹ بجلی استعمال کرنے والے صارفین کے لیے بجلی مہنگی نہیں کی گئی تھی۔

متعلقہ خبریں