نجی اسکول نیب کے ریڈار پر آ گئے

October 14, 2019 6:08 pm

اسلام آباد:جدت ویب ڈیسک :: قومی احتساب بیورو (نیب) نے اسلام آباد کے بڑے نجی اسکولوں کے خلاف تحقیقات کا آغاز کر دیا ہے۔
نیب ذرائع کا کہنا ہے کہ نجی اسکول (روٹس ملینیم) کی انتظامیہ اور کیپیٹل ڈویلپمنٹ اتھارٹی (سی ڈی اے) حکام کے خلاف تحقیقات شروع ہو گئی ہیں۔
نیب نے موقف اختیار کیا ہے کہ سیکٹر ایف ٹین میں قائم نجی اسکول (روٹس ملینیم) ٹرسٹ کی جگہ پر قائم ہے، اس معاملے میں سی ڈی اے حکام نے بھی اختیارات کا ناجائز استعمال کیا ہے۔
نیب ذرائع کا کہنا ہے کہ پلاٹ کے غلط استعمال پر قومی ادارے سی ڈی اے کو نقصان پہنچا ہے۔
چیئرمین نیب جاوید اقبال کی زیر صدارت ایگزیکٹو بورڈ کا اجلاس ہوا جس میں پراسیکیوٹرجنرل آپریشنز اور پراسیکیوشن حکام شریک ہوئے۔
عارف علی شاہ بخاری کےخلاف تحقیقات، سندھ ورکرز ویلفیئر بورڈ، وائس چانسلر فیڈرل اردو یونیورسٹی آف آرٹس،صائمہ بلڈرز صائمہ گروپ، شعبہ ریونیو ضلع کراچی کے افسران اور کراچی ڈویلپمنٹ اتھارٹی کے پراجیکٹ ڈائریکٹر امیرزادہ خان کوہاٹی کے خلاف انکوائریز بند کردی گئی ہیں۔نیب نے سلطان علی لاکھانی اورمیسرز شان گروپ و دیگر کا معاملہ بینک کے ساتھ باہمی معاہدہ ہوجانے کی وجہ سے قانون کے مطابق نمٹا دیا ہے۔یاد رہے کہ چند روز قبل نیب کے ایگزیکٹو بورڈ نے دس انکوائریاں شواہد کی عدم موجوگی اور دیگر قانونی وجوہات کی بنا پر بند کردی ہیں۔

متعلقہ خبریں