وطن کے لیے کسی قربانی سے دریغ نہیں کریں گے۔کشمیر سے متعلق اقوام متحدہ کی قراردادوں پرعمل ہونا چاہیے، جنرل زبیرمحمود حیات

October 10, 2019 12:21 pm

رسالپور:جدت ویب ڈیسک :: چیئرمین جوائنٹ چیفس آف اسٹاف کمیٹی جنرل زبیرمحمود حیات کا کہنا ہے کہ بھارت میں نسلی اور مذہبی امتیاز کو فروغ دیا جا رہا ہے۔
تفصیلات کے مطابق پی اے ایف اکیڈمی اصغرخان میں 142ویں ڈی جی پی،88ویں ایروناٹیکل انجینئرنگ کورس، 23ویں اےاینڈ ایس ڈی اور 98 ویں اے ڈی کی مشترکہ پاسنگ آؤٹ پریڈ کی تقریب ہوئی۔چیئرمین جوائنٹ چیفس آف اسٹاف کمیٹی جنرل زبیرحیات مہمان خصوصی تھے، ایئرچیف مارشل مجاہد انور خان بھی پاسنگ آؤٹ پریڈ میں موجود تھے۔
چیئرمین جوائنٹ چیفس آف اسٹاف کمیٹی جنرل زبیرمحمود حیات نے پریڈ کا معائنہ کیا۔ جنرل زبیرمحمود حیات نے پاس آؤٹ ہونے والے کیڈٹس کو فلائنگ بیجز لگائے۔
چیئرمین جوائنٹ چیفس آف اسٹاف کمیٹی جنرل زبیرمحمود حیات نے تقریب سے خطاب کرتے ہوئے کہا کہ پاس آؤٹ کیڈٹس اور ان کے والدین کو مبارکباد دیتا ہوں۔ انہوں نے کہا کہ آج کے کیڈٹس مستقبل میں پاک فضائیہ کی قیادت ہیں، قوم کوپاک فضائیہ پر فخر ہے، امید ہے پاس آؤٹ کیڈٹس وطن کے لیے کسی قربانی سے دریغ نہیں کریں گے۔
جنرل زبیرمحمود حیات نے کہا کہ کشمیر سے متعلق اقوام متحدہ کی قراردادوں پرعمل ہونا چاہیے، کشمیرتقسیم ہند کا نامکمل ایجنڈا ہے۔چیئرمین جوائنٹ چیفس آف اسٹاف کمیٹی نے کہا کہ پاکستان ایک ذمے دار جوہری طاقت ہے، انہوں نے کہا کہ بھارت میں نسلی اورمذہبی امتیاز کو فروغ دیا جا رہا ہے۔

Passing out parade at PAF Academy Risalpur

Passing out parade at PAF Academy Risalpur 10 Oct 2019#PakistanZindabad

Posted by Daily Jiddat Karachi on Thursday, October 10, 2019

متعلقہ خبریں