آرمی چیف جنرل قمر جاوید باجوہ کا پیپلز لبریشن آرمی ہیڈ کوارٹرز کا دورہ

October 8, 2019 3:14 pm

بیجنگ: جدت ویب ڈیسک :: آرمی چیف جنرل قمر جاوید باجوہ نے پیپلز لبریشن آرمی ہیڈ کوارٹرز کا دورہ کیا اور کمانڈر پی ایل اے اور وائس چیئرمین سینٹرل ملٹری کمیشن سے ملاقاتیں کی۔
تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ آرمی چیف جنرل قمر جاوید باجوہ نے پیپلز لبریشن آرمی ہیڈ کوارٹرز کا دورہ کیا۔ آرمی چیف کی کمانڈر پی ایل اے اور وائس چیئرمین سینٹرل ملٹری کمیشن سے ملاقاتیں ہوئیں۔
آئی ایس پی آر کا کہنا ہے کہ ملاقاتوں میں علاقائی سیکیورٹی اور مقبوضہ کشمیر کی صورتحال پر گفتگو کی گئی۔ آرمی چیف نے چینی عسکری قیادت کو مقبوضہ کشمیر کی صورتحال سے آگاہ کیا۔
آرمی چیف کا کہنا تھا کہ بھارت تنازعہ کشمیر کے حوالے سے اقوام متحدہ قراردادوں کا احترام کرے، بھارت کشمیریوں کے انسانی حقوق کا تحفظ یقینی بنائے۔
آئی ایس پی آر کا کہنا ہے کہ چینی عسکری قیادت نے کشمیر پر پاکستان کے اصولی مؤقف کی مکمل حمایت کی۔ چینی عسکری قیادت کی جانب سے کہا گیا کہ موجودہ صورتحال میں پاکستان کا طرز عمل امن کے مفاد میں ہے۔آرمی چیف نے مزید کہا کہ پاکستان خطے میں امن چاہتا ہے، عزت اور وقار پر کوئی سمجھوتہ نہیں کریں گے۔آئی ایس پی آر کے مطابق ملاقات کے دوران افغانستان میں فروغ امن کے لیے کوششوں پر بھی بات چیت ہوئی، موجودہ دفاعی تعاون کو مزید وسعت دینے پر اتفاق کیا گیا۔خیال رہے کہ آرمی چیف جنرل قمر جاوید باجوہ گزشتہ روز سرکاری دورے پر چین پہنچے تھے۔ آرمی چیف وزیر اعظم عمران خان کی چینی صدر اور وزیر اعظم سے ملاقاتوں میں ساتھ ہوں گے۔

Image result for coas visit people's liberation front

Image result for coas visit people's liberation front

متعلقہ خبریں