وفاقی حکومت نے وزارت قانون کے چھوٹے ملازمین پر ڈیوٹی کے دوران سمارٹ فون کے استعمال پر پابندی لگا دی

Smart Phone in Pakistan
September 15, 2019 5:11 pm

اسلام آباد جدت ویب ڈیسک :وفاقی حکومت نے وزارت قانون کے چھوٹے ملازمین پر ڈیوٹی کے دوران سمارٹ فون کے استعمال پر پابندی لگا دی ہے۔ وزارتِ قانون کی جانب سے جاری نوٹیفکیشن کے مطابق وزارتِ قانون کے گریڈ ایک سے 15 تک کے ملازمین دورانِ ڈیوٹی سمارٹ فون استعمال نہیں کر سکیں گے۔ ذرائع کے مطابق اس پابندی کا مقصد حکومت کی جانب سے قانون سازی اور حساس دستاویزات کی چوری کو روکنا ہے۔نوٹیفکیشن میں انتباہ جاری کیا گیا ہے کہ جو ملازم اس حکم پر عمل درامد نہیں کرے گا اس کے خلاف قانونی کارروائی کی جائے گی۔ واضح رہے کہ گزشتہ دنوں میں پولیس کی جانب سے ملزمان اور خواتین پر تشدد کی ویڈیوز وائرل ہوئی تھیں خاص طور پر صلاح الدین پر تشدد کی ویڈیو سامنے آئی تھی جس کے بعد آئی جی پنجاب نے چھوٹے ملازمین پر موبائل فون تھانے کے اندر لے جانے پر پابندی لگا دی تھی۔

متعلقہ خبریں