مودی سرکار جان لے بہتر فوج شدت پسند، دہشت گردوں کو شکست دے سکتی ہے، وزیراعظم

August 16, 2019 12:20 pm

اسلام آباد : جدت ویب ڈیسک ::وزیراعظم عمران خان نے کہا فاشسٹ، ہندوسپرمیسی میں مبتلا مودی سرکار جان لے بہتر فوج شدت پسند، دہشت گردوں کوشکست دے سکتی ہے،قوم جدوجہدآزادی میں متحد ہو تو کوئی طاقت نہیں روک سکتی۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے بیان میں کہا فاشسٹ،ہندوسپرمیسی میں مبتلا مودی حکومت جان لے بہترافواج دوسری فوجوں اور دہشت گردوں کوشکست دے سکتی ہیں، تاریخ ہے قوم جدوجہدآزادی میں متحدہو تو طاقت نہیں روک سکتی، قوم جب موت سے نہیں ڈرتی تو مقاصدکے حصول سے نہیں روکا جاسکتا۔عمران خان کا کہنا تھا کہ اسی لئے مودی حکومت کے مقبوضہ کشمیرمیں فاشسٹ حربے اور کشمیریوں کی آزادی کی جدوجہددبانےکی کوششیں ناکام ہوں گی۔یاد رہے وزیراعظم عمران خان کا کہنا تھا کہ بھارت نےمقبوضہ کشمیرکودنیامیں ایک باربھرپورتوجہ دلادی ہے،اب پاکستان پر ہے وہ اس مسئلے کو کیسے دنیا میں اٹھانا ہے،میں اب کشمیرکے لیے دنیامیں آواز اٹھانے والا سفیر بنوں گا۔عمران خان نے کہا تھا کہ ہمیں اطلاع ہےکہ بھارت نےآزادکشمیرمیں تباہی کامنصوبہ بنایاہواہے،اطلاعات ملی ہیں یہ آزاد کشمیر میں پلوامہ سے زیادہ خوفناک منصوبہ بنایا ہوا ہے۔ میں مودی کوپیغام دیتاہوں کہ آپ کی اینٹ کاجواب پتھرسےدیاجائےگا، مودی کو بتانا چاہتا ہوں اینٹ کا جواب پتھر سے ملے گا۔
وزیراعظم نے یہ بھی کہنا تھا کہ ہماری فوج 20 سال سےلاشیں اٹھارہی ہے،فوج اورقوم دونوں تیارہیں۔ مودی نے آخری کارڈ کھیل دیا، مقبوضہ کشمیر اب آزادی کی طرف جائے گا۔

متعلقہ خبریں