کراچی میں رواں ہفتے ایک بار پھر بارش کی پیش گوئی

Rain in Karachi
August 13, 2019 4:01 pm

کراچی: جدت ویب ڈیسک :محکمہ موسمیات نے کراچی سمیت سندھ کے مختلف علاقوں میں ایک بار پھر بارش کی پیش گوئی کردی ہے ۔ چیف میٹرولوجسٹ سردار سرفراز کے مطابق بھارتی ریاست گجرات اور راجستھان کی جانب سے مون سون بارشوں کا نیا سسٹم سندھ کی جانب بڑھ رہا ہے ۔ جس سے کراچی سمیت سندھ کے مختلف علاقوں میں بارش ہونے کا قوی امکان ہے ۔ سردار سرفراز کا کہنا ہے کہ مون سون سسٹم کے باعث بارش کے 2 اسپیل ہوں گے ، جس کے نتیجے میں کہیں تیز تو کہیں ہلکی بارش ہوسکتی ہے ، بارشوں کا نیا سسٹم زیریں سندھ کو زیادہ متاثر کرے گا۔ اس سسٹم کے باعث کراچی میں 15 اگست کی رات سے ہلکی بارش کا امکان ہے اور 16 اگست تک شہر میں وقفے وقفے سے بارش کا سلسلہ جاری رہے گا۔

متعلقہ خبریں