وزیراعظم سے آرمی چیف جنرل قمر جاوید باجوہ کی ملاقات

May 22, 2019 4:46 pm

جدت ویب ڈیسک ) وزیراعظم عمران خان سے آرمی چیف جنرل قمر جاوید باجوہ کی ملاقات ہوئی۔ ملاقات میں ملکی سکیورٹی سے متعلق امور پر تبادلہ خیال کیا گیا۔ قبل ازیں بھی وزیر اعظم عمران خان کی آرمی چیف جنرل قمر جاوید باجوہ سے ملاقات ہوئی جس میں ملکی سیکیورٹی صورتحال پر تبادلہ خیال کیا گیا۔ وزیر اعظم عمران خان سے آرمی چیف جنرل قمر جاوید باجوہ نے وزیر اعظم آفس میں ملاقات کی ۔ اس ون آن ون ملاقات میں وزیر اعظم اور آرمی چیف نے علاقائی امن و امان کی صورتحال پر بھی بات چیت کی۔ میٹنگ میں پاک فوج کے پیشہ ورانہ امور بھی زیر غور آئے۔ دریں اثنا، وزیر اعظم عمران خان کی زیر صدارت قومی سلامتی کمیٹی کا اجلاس منعقد ہوا، اجلاس میں آرمی چیف سمیت انٹیلی جنس اور اہم اداروں کے سربراہان نے شرکت کی۔ذرایع کا کہنا ہے کہ اجلاس میں سروسز چیفس، خزانہ، دفاع اور داخلہ کے حکام شریک ہوئے، اور ملکی مجموعی سیکورٹی کی صورت حال کا جائزہ لیا گیا۔

متعلقہ خبریں