اینٹی وہیکل لفٹنگ سیل کو جدید طرز پر اپ گریڈ کردیا گیا

January 22, 2021 12:46 pm

کراچی: جدت ویب ڈیسک:اینٹی وہیکل لفٹنگ سیلنے سینٹرلائز ایپلی کیشن تیار کرلی، ایپ کے ذریعے پورے سندھ کا ایکسائز ڈیٹا چیک کیا جاسکے گا۔تفصیلات کے مطابق اینٹی وہیکل لفٹنگ سیل کو جدید طرز پر اپ گریڈ کردیا گیا۔ ایس ایس پی عارف اسلم راؤ کا کہنا ہے کہ پہلے مرحلے میں ایپلیکیشن تیار کی ہے ، ابتدائی طور پر پولیس اور قانون نافذ کرنے والے اداروں کو ایکسین حاصل ہوگا، ایپلی کیشن کے ذریعے پورے سندھ کا ایکسائز ڈیٹا چیک کیا جاسکتا ہے ۔ایس ایس پی کے مطابق اے وی ایل سی کو سینٹرلائز کرنے کا کام شروع کیا ہے ، اینٹی وہیکل لفٹنگ سیل سافٹ ویئرپر کام کر رہی ہے ، اپیلی کیشن کا ڈیٹا بیس یہی سافٹ وئیر ہوگا۔انہوں نے بتایا کہ اے وی ایل سی سندھ کے 30ڈسٹرکٹس میں کام کررہی ہے ، تمام ڈسٹرکٹس ایپلی کیشن کے ذریعے اپڈیٹس حاصل کرسکیں گے ، اندرون سندھ سے مسلسل ڈیٹااپ لوڈنگ کاسلسلہ جاری ہے ، بہت جلد ڈیٹا بیس کاکام مکمل ہوجائے گا، چوری کی گئی گاڑیوں اور موٹرسائیکلوں کا بڑا حصہ بلوچستان جاتا ہے ۔عارف اسلم راؤ کا مزید کہنا تھا کہ ہم مربوط سسٹم بنارہے ہیں جس سے کافی بہتری آئے گی۔

متعلقہ خبریں